PAMUNGKAAN 26:31 - BIBEL JAMITA NA DENGGAN

³¹ Ancogotna i di hananaek ni mataniari marsidokkon janjina be ma halahi mardongan sumpa. Dung i marsirang ma halahi dung marsijalangan songon na marale-ale.

PAMUNGKAAN 26:31 Referans Kwoze

IBRANI 6:16

Harana anggo jolma, marsumpa do i marhite halak na gumodang sian ia. Jadi sumpa i ma hasidungan ni sude parbadaan jana pate ma i di halahi.

1 SAMUEL 30:15

Dung i disapai si Daud ma tusia, “Ra do ho patuduhon dalan tu au tu inganan ni garombolan i?” Alusnia, “Ra do au, asalkan ma marjanji tuan i mangasahon goar ni Debata, paboa na so bunuon ni tuan i au sanga pasahaton ni tuan i au tu tuanku humani.”

PAMUNGKAAN 31:44

rade do au mambaen parjanjian dohot ho. Tole ma taatak batu songon tanda parningotan ni parjanjianta.”

PAMUNGKAAN 25:33

Didok si Jakob ma, “Sumpahon ma jolo paboa na nilehenmu di au hakmi.” Marsumpa ma si Esau jana dilehen ia ma haknia i tu si Jakob.

1 SAMUEL 20:3

Dialusi si Daud ma, “Diboto amanta do na holong rohamu tu au. Hara ni i do umbaen na so ra ia paboahon na songon i anggo tu ho anso ulang marsak ho. Sanga na bia pe, mangasahon Tuhan Na Mangolu i, tutu do na hudok on: Gincip noma hosangku!”

1 SAMUEL 14:24

Di ari i, anggo halak Israel nada margogo be hara ni malena, angke madung disumpahon si Saul songon on, “Hona bura ma sanga ise na mangankon bagi aha di ari sadari on painte so palalu hosom au tu musungku.” Jadi hara ni i, umpe sahalak na mangan di na sadari i.

PAMUNGKAAN 31:55

Ancogotna i manyogot dope, diummai si Laban ma angka pahompunia i, dohot borunia i tanda ni parsirangan, jana dipasupasu, lalu kehe ma ia mulak tu inganannia.

PAMUNGKAAN 22:3

Manyogotna i dung torang ari, ditahai si Abraham ma soban baen tu haul situtungon i, dibobok ia ma i dibaen ia tu tanggurung ni halodenia. Dioban ia ma si Ishak dohot dua halak hatobannia, jadi kehe ma halahi mandapotkon inganan na nidok ni Debata i tu si Abraham.

PAMUNGKAAN 21:23

Jadi sumpahon ma dison diadopan ni Debata paboa na so baenonmu na so tama tu au, songon i tu dakdanakku sanga pe tu pomparanku. Madung hubaen haburjuon tu ho, jadi hara ni i janjihon ma laing na burju muse baenonmu tu au dohot tu luat na huingani on.”

PAMUNGKAAN 21:14

Manyogotna i dipasahat si Abraham ma tu si Hagar saotik sipanganon dohot aek di bagasan kantongan kulit anso adong bohal di dalan. Dipaompahon ia ma dakdanak i tu tanggurung ni si Hagar jana disuru ia ma kehe anakboru i. Jadi kehe ma si Hagar jana madangadang ma ia di padang parhorsihan Berseba.

PAMUNGKAAN 19:2

jana didok ia ma, “Loas hamu ma au mangoloi hamu, tuan. Tu bagasta ma hamu masuk. Adong do parbasuan ni pat di bagasta dohot parbornginan. Ancogot tarbaen hamu do sigop ngot lalu paudutkon pardalananmunu.” Tapi dialusi halahi ma, “Tarimakasi ma da, dison pe hami marborngin di alaman ni kota on.”

PAMUNGKAAN 14:22

Dialusi si Abram ma, “Husumpahon ma di jolo ni Debata Na Gumincat i, na manompa langit dohot tano,

PAMUNGKAAN 21:27

Jadi dilehen si Abraham ma biri-biri dohot lombu deba tu si Abimelek, jana dibaen halahi na dua ma parjanjian.

PAMUNGKAAN 26:32

Laing di ari i, ro ma da angka naposo ni si Ishak paboahon tusia taringot tu sumur na nihuar ni halahi. Didok halahi, “Ma dapot hami aek.”