PAMUNGKAAN 26:22 - BIBEL JAMITA NA DENGGAN

²² Dung i pinda muse ma ia sian i jana dihuar ma mangulahi sumur na patoluhon. Anggo sanoli on, nada masa be partangkangan, jadi hara ni i dibaen si Ishak ma goar ni sumur i, “Haluaan”. Didok ia, “Saonnari madung dilehen Tuhan di hita haluaan anso tola hita maringanan di luat on jana dison ma hita anso makmur.”

PAMUNGKAAN 26:22 Referans Kwoze

HARURUAR 1:7

Anggo pomparan ni halahi, i ma angka halak Israel, maranak marpahompu bahat situtu, jana bilangan ni halahi pe mur martamba-tamba, pola sude luat i digohi halahi.

PAMUNGKAAN 17:6

BaenonKu ma bahat pomparanmu, jana deba sian halahi gabe angka raja. Songon i ma bahat ni pomparanmu, lopus gabe bangso na bahat halahi.

MASMUR 118:5

Di bagasan hasusaanku pio-pio au tu Tuhan; gabe dialusi Ia do au jana dipalua Ia.

PAMUNGKAAN 41:52

Didok ia muse ma, “Dilehen Debata do angka dakdanak di au di hatiha marsak au,” jadi dibaen ia ma goar ni anaknia na paduahon i si Efraim.

MASMUR 18:19

Dipalua Ia do au sian parmaraan, angke dibaen Ia au gabe haholongan.

MASMUR 4:1

Ale Debata, Ho do mangampini au, alusi ma muda pio-pio au. Muda susa au, diurupi Ho do au; saonnari ibo rohaMu di au jana tangihon ma tangiangku.

PAMUNGKAAN 28:3

Sai dipasupasu Debata Na Gumogo i ma parsaripeonmunu jana dilehen ma di ho hagabean maranak marpahompu ho anso gabe ompu ni bahat bangso ho!

PAMUNGKAAN 26:21

Dihuar angka naposo ni si Ishak ma mangulahi sumur na asing. Tarjadi muse ma partangkangan hara ni sumur on mangulahi. Jadi digoari si Ishak ma sumur i, “Parbadaan”.

JESAYA 54:2

Angkon pabidangon noma bandar ni ingananmu, paginjangonmu angka talina, jana patoguonmu sangkotanna.

JESAYA 54:3

Pabidangonku ma tanomu tu siamun dohot siambirang, kota lobu gabe sumuang niinganan. Madung dijuguhi bangso na asing luatmunu tapi mulak do luat i gabe nampunamunu.

MASMUR 119:32

Sonang do rohangku giot mangoloi parentaMu, angke dibaen Ho do au mur mangastui.