PAMUNGKAAN 26:18 - BIBEL JAMITA NA DENGGAN

¹⁸ Dihuar ia ma mangulahi angka sumur na dung dihuar hian di hatiha ni si Abraham, i ma angka na nibuta ni halak Pilistin dohot tano disi marujung ngolu ni si Abraham. Dibaen si Ishak ma goar ni angka sumur i laing songon na nibaen ni amangnia i.

PAMUNGKAAN 26:18 Referans Kwoze

ZAKARIA 13:2

Di ari i, sesaonKu ma angka gana-ganaan i sian tano on, lopus nada adong be umpe sahalak marningotsa. SoadahononKu ma hagiot laho marsomba gana-ganaan. Sude jolma na mangoKu dirina panurirang, paorotonKu.

HOSEA 2:17

Dung i padaoonKu ma goar ni angka Baal sian pamanganmu gabe nada dokkonon be goar ni halahi.

MASMUR 16:4

Halak na manyomba debata sileban parohon mara tu dirina sandiri. Nada ra au marhaul tu debata sileban, bope hum mandok goar ni halahi.

BILANGAN 32:38

Nebo, Baal-Meon (digonti do goar ni kota on dohot Sebam). Angka kota na nipauli ni halahi mangulahi digonti halahi dohot goar na imbaru.

PAMUNGKAAN 21:31

Songon i ma umbaen digoari inganan i Berseba, harana disi ma halahi na dua mambaen sumpa.

PAMUNGKAAN 21:25

Tapi dung salpu i humolos ma si Abraham tu si Abimelek hara ni sada sumur na nirampas ni angka hatoban ni raja i.

PAMUNGKAAN 26:17

Jadi kehe ma si Ishak marbandar di Rura Gerar. Disi ma ia maringanan sanga na sadia honok.

PAMUNGKAAN 26:19

Dihuari angka naposo ni si Ishak ma angka sumur di rura i jana dapot halahi ma aek.

2 JUJUR TAON 26:10

Laing dipajongjong ia muse ma angka palas-palas na marbenteng di luat padang-padang jana dihuar ia bahat sumur hara ni bahatna pahan-pahanannia di angka partoran na hornop bope di tano napa na toruk na di sabola Hasundutan. Dibaen tartarik do rohania tu partanian, dianjurkon ia do tu rayat i anso manyuan anggur di angka luat na mardolok dohot manggarap luat na napu.

PAMUNGKAAN 21:30

Dialusi si Abraham ma, “Jagit ma anak ni biri-biri na pitu on songon tanda ni na niokumu, au do na mangkuar sumur on.”