PAMUNGKAAN 26:12 - BIBEL JAMITA NA DENGGAN

¹² Disabur si Ishak ma same ni suan-suanan di luat i, jana di bagasan taon i dapot ia ma suhana saratus lompit sian na nisaburnia i, dibaen dipasupasu Tuhan do ia.

PAMUNGKAAN 26:12 Referans Kwoze

PAMUNGKAAN 26:3

Hudongani pe ho jana Hupasupasu. LehenonKu do di ho dohot di pomparanmu sude banua on. GohanKu do janji na dung Hupasahat tu si Abraham amangmi.

MARKUS 4:8

Tapi adong muse do na madabu tu tano na napu. Martubuan ma same i, lopus magodang lalu marbatu ramos. Adong na tolu pulu lompit suhana, adong na onom pulu, adong muse dope na saratus lompit.”

PARJAMITA 11:6

Angkon manyuan ma ho dompak manyogot ari baen muse ma songon i di borngin ni ari. Angke nada taboto sanga na dia na denggan partubuna. Ra muse do gabe dua-duana rap denggan partubuna.

MASMUR 67:6

Madung dilehen tano i suhana, madung dipasupasu Debata hita.

PAMUNGKAAN 24:35

Marlobi-lobi do pasupasu ni Tuhan di si Abraham jana dibaen do ia gabe halak na santak kayo. Madung dilehen Tuhan disia biri-biri na marhulanan-hulanan, hambeng, lombu, unto, halode, perak, sere, hatoban halaklahi dohot dadaboru.

PAMUNGKAAN 24:1

Madung matobang situtu si Abraham, jana sai dipasupasu Tuhan do ia di sude na nibaennia.

1 KORINTUS 3:6

Au manyuan jana si Apollos ma manyiram, tapi anggo na patubuhon laing Debata do.

ZAKARIA 8:12

Di bagasan sonang noma halahi i manyabur same. Marbatui ma angka bona ni anggur ni halahi, lehenon ni tano i ma suhana, jana langit mangalehen aek ombun. LehenonKu ma pasupasu i tu angka jolma na mangolu dope sian bangso on.

JOB 42:12

Dipasupasu Tuhan ma si Job, maradu marlobi-lobi di angka ngolunia na tinggal i, lumobi sian dompak so masa sitaononnia i. Adong do opat bolas ribu bahatna hambeng biri-biri ni si Job, onom ribu untonia, dua ribu lombu dohot saribu halode.

PAMUNGKAAN 30:30

Dompak so ro au tuson, nada sadia dope sinadonganmu, hape saonnari madung sonang sajo, jana madung dipasupasu Tuhan ho hara ni au, hape andigan dope hatihana laho manyarihon na di au?”

MATEUS 13:8

Tapi adong muse do antong same i na madabu tu tano na napu. Marbatu ma anggo i. Adong na saratus lompit parbatuna. Adong na onom pulu lompit, adong na tolu pulu lompit.

MASMUR 72:16

Sai lobian gandum ma nian sude luat on, jana angka dolokna i gok marisi suha ni tano. Sai napu ma nian tanona i songon Dolok Libanon, jana na mangingani kotana songon bahat ni ruput di padang.

MATEUS 13:23

Dung i anggo same na disabur tu tano na napu i, i ma tarsongon halak na umbege jamita i, tangkas diastui ia. Ramos ma parbatuna. Adong ma i na saratus lompit bahatna. Adong na onom pulu lompit bahatna. Adong na tolu pulu lompit bahatna sian same na parjolo i.”

PAMUNGKAAN 26:29

bahaso na so baenonmu na jahat tu hami, songon hami na so unjung mambaen na jat maradopkon ho. Ma denggan rohanami adop ho jana hami padiar do ho kehe di bagasan dame. Madung torang di hami na nipasupasu ni Tuhan do ho.”

PODA 10:22

Hara ni pasupasu ni Tuhan do jolma gabe makayo, marloja-loja markarejo nada patamba harto.

PAMUNGKAAN 25:11

Dung jumolo si Abraham, dipasupasu Debata ma si Ishak anak ni si Abraham i, na maringanan hatiha i di lambung ni sumur na margoar, “Na Mamparrohahon Au”.