PAMUNGKAAN 24:54 - BIBEL JAMITA NA DENGGAN

⁵⁴ Dung i pe anso mangan minum hatoban ni si Abraham dohot angka donganna i, jana disi ma halahi marborngin. Dung tarsunggul halahi manyogotna i didok hatoban i ma, “Loas hamu ma da mulak au tu tuanku.”

PAMUNGKAAN 24:54 Referans Kwoze

PAMUNGKAAN 24:56

Tapi didok hatoban i ma, “Ulang be da tahan hamu hami. Madung marjurus dibaen Tuhan na hudalankon; paloas hamu ma da mulak au tu tuanku.”

PAMUNGKAAN 24:59

Jadi diisinkon halahi ma si Ribka dohot hatoban dadaboru pangkobasinia kehe rap dohot hatoban ni si Abraham dohot angka donganna i. Jadi dipasupasu halahi ma si Ribka ninna halahi ma, “Sai gabe ma ho Ribka, ina ni marjuta-juta halak! Sai monang ma pomparanmu manaluhon angka kota ni musuna!”

PARJAMITA 7:10

Ulang nisapaan, ‘Biasi dumenggan hatiha najolo umpado saonnari?’ Hum halak na oto do na marsapa songon i.

PODA 22:29

Unjung dehe diida ho halak na malo mangkarejohon karejona? Di bagas godang ni angka raja do halahi baenonna karejo, nada di bagas ni halak na somal.

2 SAMUEL 18:19

Dung i didok si Ahimaas anak ni si Zadok i ma tu si Joab, “Paloas ma au kehe marlojong mandapotkon raja i paboahon dohot maroban barita na denggan bahaso na dung dipalua Tuhan raja i sian musuna.”

PAMUNGKAAN 45:24

Jadi dipabuat ia ma angka kahangginia i mangulahi jana di na kehe i halahi didok ia ma tu halahi, “Ulang hamu marbadai di dalan i da!”

PAMUNGKAAN 30:25

Dung ditubuhon si Rahel si Josep, didok si Jakob ma tu si Laban, “Paloas ma au kehe mulak tu luatku.