PAMUNGKAAN 24:21 - BIBEL JAMITA NA DENGGAN

²¹ Laing dipamanat-manat hatoban ni si Abraham i ma torus, nada pola mangkuling ia sangkababa hata pe. Sai giot botoonnia ma, sanga na marhasil do tugasnia baenon ni Tuhan, sanga nada.

PAMUNGKAAN 24:21 Referans Kwoze

MASMUR 107:43

Dipikiri halak na marroha ma sudena i jana dihaporsayai halahi ma holong ni roha na manongtong sian Tuhan i.

PAMUNGKAAN 24:12

Jadi martangiang ma hatoban i, “O Tuhan, Debata ni tuanku si Abraham, urupi ma au anso denggan manjadi sadari on na hudalankon, jana ingot ma janjiMu na tu tuanku si Abraham.

LUKAS 2:51

Dung i mulak ma Jesus rap dohot halahi tu Nasaret, mangoloi tu halahi. Sudena i disimpan inangNa i ma di bagasan rohania.

LUKAS 2:19

Tapi anggo si Maria disimpan ia ma sudena i di bagasan rohania mamikirkon sanga aha arti ni sudena i.

MASMUR 107:15

Patut ma da antong halahi mandok tarimakasi, dibaen tongtong halahi dihaholongi Tuhan, dipatupa Ia di halahi angka hahomangan.

MASMUR 107:8

Patut ma da antong halahi mandok tarimakasi dibaen sai holong roha ni Tuhan di halahi, dipatupa Ia angka hahomangan di halahi.

MASMUR 107:1

“Mandok tarimakasi ma hamu tu Tuhan angke na burju do Ia, hot do holong ni rohaNia salolot-lolotna.”

PAMUNGKAAN 24:56

Tapi didok hatoban i ma, “Ulang be da tahan hamu hami. Madung marjurus dibaen Tuhan na hudalankon; paloas hamu ma da mulak au tu tuanku.”

PAMUNGKAAN 24:20

Dung i diompoti ia ma mangusehon aek na di garigit i tu inganan panginuman ni unto i. Diompoti ia muse ma marlojong tu sumur i manimba aek manambai lopus sude pahan-pahanan i sombu nguasna.

PAMUNGKAAN 24:27

Ning ia ma, “Nipuji ma Ho o Tuhan, Debata ni tuanku si Abraham. Torus do ditiop Ho Tuhan janjiMi na tu tuanku si Abraham jana diuluhon Ho do au lalu tumbuk tu koum sisolkotnia.”