PAMUNGKAAN 22:8 - BIBEL JAMITA NA DENGGAN

⁸ Dialusi si Abraham ma, “Debata sandiri do pasingkopkon anak ni biri-biri i.” Jadi didatdati halahi ma na mardalan i.

PAMUNGKAAN 22:8 Referans Kwoze

JOHANNES 1:36

Dung diida ia Jesus mamolus disi, ning ia ma, “Ligi ma, Anak Ni Biri-biri Ni Debata!”

JOHANNES 1:29

Ancogotna i diida si Johannes ma ro Jesus mandapotkon ia. Didok si Johannes ma, “Ligi ma! Indi ma ibana Anak Ni Biri-biri Ni Debata na manyesa dosa ni portibi on!

HALUMBAAN 5:12

Dung i digogoi halahi ma sora ni halahi marende, “Anak Ni Biri-biri na dung nisambol i, Ia do na markuaso; na mora na bisuk jana na gogo; na patut nipasangap, nipagodang jana nipuji-puji!”

PAMUNGKAAN 18:14

Adong ma he pangalaho bagi aha na maol di Tuhan lakna? Di hatiha na dung ditontuhon, giot mulak ro Au mandapotkon ho di taon na ro, jana adong ma anak di si Sara.”

HALUMBAAN 13:8

Sombaon ni sude jolma na mangolu di ginjang tano on ma binatang i, i ma angka halak na so tarsurat goarna di buku hangoluan ni Anak Ni Biri-biri na dung disambol i, mamungka sian panompaon ni portibi on.

MATEUS 19:26

Diligi Jesus ma halahi, ning Ia ma, “Anggo di jolma, na so tarbaen do i! Tapi anggo di Debata nada adong na so tarbaen!”

HALUMBAAN 7:14

Jadi hualusi ma, “Tuanku, ho do na umbotosa.” Dung i didok ia ma tu au, “Halak on ma angka na malua sian hasusaan na godang i. Madung dibasu halahi baju juba ni halahi jana bontar dibaen mudar ni Anak Ni Biri-biri i.

HALUMBAAN 5:6

Dung i huida ma sada Anak Ni Biri-biri jongjong di tonga-tonga ni habangsa i, dihaliangi mahluk na mangolu siopat-opat i dohot sude angka pangituai i. Songon na dung hona sambol do idaon Anak Ni Biri-biri i. Pitu tandukna jana pitu dohot matana: i ma tondi na pitu na sian Debata na nisuruNa tu sude portibi on.

2 JUJUR TAON 25:9

“Tapi bia ma taringot tu perak na dung sanga i hulehen tu halahi?” ning si Amasia marsapa. Dialusi panurirang i ma, “Tarpaulak Tuhan do tu raja i lobi sian i!”

PAMUNGKAAN 22:7

jadi disapai si Ishak ma, “Amang!” ning ia. Jana dialusi si Abraham, “Aha do amang?” Jadi disapai si Ishak ma, “Ma taoban api dohot soban, tapi dia do anak ni biri-biri na giot haul situtungon i?”

PAMUNGKAAN 22:9

Di na lalu halahi tu inganan na nidok ni Debata tu si Abraham, dipajongjong ia ma sada langgatan jana diatak ia ma soban i di ginjang ni langgatan i. Bulus ditambat ia ma anaknia i jana dipapodom ia di langgatan i di ginjang ni soban i.

PAMUNGKAAN 22:14

Dibaen si Abraham ma goar ni inganan i, “Tuhan do paradehon”. Jana lopus saonnari laing didokkon halak do, “Tuhan do paradehon di dolokNia”.

2 RAJA-RAJA 2:6

Dung i didok si Elia ma tu si Elisa, “Dison ma ho; disuru Tuhan do au tu Batang aek Jordan.” Tapi dialusi si Elisa ma, “Hara ni Tuhan na mangolu i, bope hara ni ho Amang, nada giot tinggalkononku Amang.” Jadi kehe ma halahi