PAMUNGKAAN 22:5 - BIBEL JAMITA NA DENGGAN

⁵ Jadi ning ia ma tu hatobannia na dua i, “Dison ma hamu na dua dohot halode on. Anggo au dohot anakkon kehe ma hami jolo tu adu laho manyomba Tuhan, mulak pe hami tuson mandapotkon hamu.”

PAMUNGKAAN 22:5 Referans Kwoze

IBRANI 11:19

Angke dihilala si Abraham, tarbaen Debata do pangoluhon angka na mate. Jadi bolas didok, madung dijagit si Abraham mangulahi si Ishak sian hamatean.

IBRANI 12:1

Jadi anggo taringot tu hita, bahat sajo do humaliang hita angka saksi! Hara ni i, sasudena na padokdok hita bope dosa na sai lohot tu hita, tatalgangi ma sudena sian hita. Jana marsitutu ma hita manyalpui parlumbaan na di jolonta.

PAMUNGKAAN 22:4

Di ari patoluhon tartatap si Abraham ma inganan i sian na dao.

PAMUNGKAAN 22:6

Dipaporsankon si Abraham ma soban i tu abara ni si Ishak, jana ia sandiri ma maroban piso dohot surpu panutung ni soban i. Di na udur i halahi mardalan,

PAMUNGKAAN 22:19

Dung i mulak ma si Abraham mandapotkon hatobannia sidua halak i, torus ma halahi rap kehe tu Berseba, jana laing disi ma si Abraham maringanan.

HARURUAR 24:14

Didok si Musa ma tu angka pamimpin ni halak Israel i, “Painte hamu ma di inganan parbandaran on lopus mulak hami. Dison do si Harun dohot si Hur donganmunu. Sanga ise na adong parsoalanna, mangadop ma tu halahi anso adong hasidunganna.”