PAMUNGKAAN 22:16 - BIBEL JAMITA NA DENGGAN

¹⁶ “Husumpahon mangasahon goarKu sandiri – paboa na angkon pasupasuonKu ma ho marlompit ganda. Dibaen madung dipatulus ho pangalaho on jana nada dijua ho laho pasahatkon anakmu na sasada i tu Au.

PAMUNGKAAN 22:16 Referans Kwoze

LUKAS 1:73

Na dung marsumpa do Ia tu ompunta si Abraham, jana marjanji Ia laho paluahon hita sian musunta, anso taoloi Ia mardongan biar ni roha,

MASMUR 105:9

IngotonNia do janjiNia dohot si Abraham, nada halupahononNia janjiNia na tu si Ishak.

JEREMIA 51:14

Marsumpa do Tuhan Na Markuaso i mangasahon goarNa sandiri bahaso na giot tongosonNia jolma sabahat ni siapor laho manyerang Babel jana marsurak ma halahi manyurakkon hamonangan.

JEREMIA 49:13

Husumpahon mangasahon goarKu sandiri, anggo kota Bosra gabe inganan na jorbut noma i na nitadingkon ni halak. Partataan ni halak ma i jana baenonna goarna i gabe bura. Sude angka huta na menek na humaliang i gabe tinggal sego-segona noma i sapanjangna. Au Tuhan, madung mandok songon i.”

JESAYA 45:23

Hara ni Au sandiri madung marsumpa Au, sian pamanganKu madung ruar hatigoran, i ma hata no so mose. Sude jolma marsinggang ma di jolongKu, jana marjanji burju mangoloi Au.

PAMUNGKAAN 12:2

Hulehen pe bahat di ho pomparanmu jana gabe bangso na godang ma halahi. Hupasupasu pe ho jana tarbonggal pe goarmu Hubaen, lopus gabe pasupasu ho di halak na bahat.

AMOS 6:8

Madung marsumpa Tuhan Debata hara ni diriNa sandiri, – songon on ma didok Tuhan, Debata Na Markuaso –, “Magigi do Au mida haginjangon ni roha ni Israel on; nada jop rohangKu mida angka bagas godang dohot angka bagas ni halahi na jeges-jeges i. PasahatonKu ma tu musu kota sabungan ni halahi rap dohot sude na adong di bagasanna.”

PAMUNGKAAN 22:2

Didok Debata ma, “Piohon ma si Ishak anakmu sisada-sada i, anak hasianmi jana kehe ma hamu tu tano Moria. Di adu di sada dolok na giot patuduhononKu tu ho, angkon pasahatonmu ma anakmi gabe haul na nitutung tu Au.”

PAMUNGKAAN 22:12

“Ulang palalu tanganmu tu dakdanak i sanga dihahua ho ia,” ninna surusuruan i. “Saonnari madung huboto sangapmu dohot pangoloimu tu Debata, angke nada manjua ho pasahat anakmu sisada-sada i tu Debata.”

PAMUNGKAAN 22:15

Pio-pio ma mangulahi surusuruan ni Tuhan sian langit tu si Abraham palalu tona ni Debata tu si Abraham,

PAMUNGKAAN 26:3

Hudongani pe ho jana Hupasupasu. LehenonKu do di ho dohot di pomparanmu sude banua on. GohanKu do janji na dung Hupasahat tu si Abraham amangmi.

PAMUNGKAAN 26:5

PasupasuonKu ma ho, hara ni na nioloan ni si Abraham Au jana ditiop ia togu uhum dohot haputusanKu.”

HARURUAR 2:24

Dibege Debata do angguk-angguk ni halahi, jana diingot Ia do janjiNa tu si Abraham, si Ishak dohot si Jakob.

HARURUAR 17:16

Didok si Musa ma, “Tiop hamu ma mandera ni Tuhan, timbo-timbo! Marporang do Tuhan mangalo halak Amalek ro di salolot-lolotna!”

HARURUAR 32:13

Ingot ma si Abraham, si Ishak dohot si Israel naposoMi, angke madung marsumpa hian do Ho tu halahi mangasahon diriMu sandiri di na nidokMu tu halahi: BaenonKu ma pomparanMu sabahat ni bintang na di langit, jana sude tano na dung Hujanjihon on lehenonKu ma i tu pomparanmu, anso gabe halahi nampunasa salolot-lolotna.”

1 JUJUR TAON 16:16

Dohot si Abraham do dibaen Ia janji i, tapi dohot do tu si Ishak,

JEREMIA 22:5

Tapi muda nada dioloi hamu angka na Huparentahon, jadi marsumpa do Au bahaso bagas godang on angkon gabe mangkatapor. Au Tuhan, madung mandok songon i.

JEREMIA 44:26

Tapi saonnari tangihon hamu ma sanga aha na Hudok tu hamu, ale halak Israel na di Mesir: Au Tuhan, Husumpahon mangasahon goarKu na godang i bahaso na so loasonKu hamu be mamake goarKu laho mambaen janji bagi aha. Nada tola dokkononmunu, ‘Marsumpa Au mangasahon Debata na mangolu i!’

JEHESKIEL 16:8

Dung i mamolus ma Au sian i jana Huida ma ho, tutu, madung hatihana ho marhaposoon. Hupahembang ma abitKu tu ho laho mangulosi ho. Hubaen ma parjanjian dohot ho, songon i ma pandok ni Tuhan Debata, jana marhite na songon i Au ma nampuna ho.

MIKA 7:20

PatuduhononMu ma tu bangsoMu pomparan ni si Abraham dohot si Jakob habonaranMu dohot holong ni rohaMu na so marparsuhatan i songon na nijanjihonMu tu ompunami narobi.