PAMUNGKAAN 21:1 - BIBEL JAMITA NA DENGGAN

¹ Dipasupasu Debata ma si Sara, songon na nijanjihonNa i.

PAMUNGKAAN 21:1 Referans Kwoze

MASMUR 12:6

Togu do janji ni Tuhan jana tarpangasahon, songon sere na polin na diuji di bagasan api.

PAMUNGKAAN 18:10

Didok sada halak ma sian halahi, “Di hatiha songon on ma giot mulak ro au mandapotkon ho. Jana disi ma adong anak halaklahi di si Sara ripemi.” Topet do di hatiha i si Sara manangihon di pintu ni bandar i, di pudinia.

PAMUNGKAAN 18:14

Adong ma he pangalaho bagi aha na maol di Tuhan lakna? Di hatiha na dung ditontuhon, giot mulak ro Au mandapotkon ho di taon na ro, jana adong ma anak di si Sara.”

PAMUNGKAAN 17:19

Tapi didok Debata ma, “Nada ale. Tubuhonon ni si Sara ripemi do anak halaklahi, jana baen ma goarna si Ishak. Torus do tioponKu parjanjianKu tu dakdanak i dohot tu pomparanmu salolot-lolotna.

TITUS 1:2

marguru tu arop ni roha di hangoluan na so mantak i. Harana na dung dijanjihon Debata hian do i dompak so dijadihon dope portibi on – jana nada tarbaen Debata margabus.

GALATIA 4:23

Dakdanak na marina hatoban i, na somal do parsorangna, i ma mangihutkon hagiot ni jolma. Tapi anggo dakdanak na marinahon na mardeka i, na sorang hara ni na nijanjihon ni Debata do i.

MATEUS 24:35

Anggo langit dohot tano on mago do, tapi anggo hatangKi angkon hot do salolot-lolotna.”

1 SAMUEL 2:21

Dipasupasu Debata do si Hanna, gabe sorang ma muse tolu anaknia halaklahi dohot dua anak dadaboru. Si Samuel pe mur magodang ma di jolo ni Debata.

GALATIA 4:28

Hamu angka dongan! Hamu sandiri pe dakdanak ni Debata do, na sorang hara ni janji ni Debata; tarsongon si Ishak do hamu.

RUT 1:6

Dung adong sadia lolot dibege si Naomi ma na dung mamasumasu Tuhan tu bangsoNa marhite suha ni panen na denggan. Jadi hara ni i gabe disangkaphon si Naomi ma laho kehe rap dohot parumaennia na dua i manadingkon Moab.

PAMUNGKAAN 50:24

Didok ia ma tu kahangginia i, “Donok noma ajalku, tapi pasti Debata do manyarihon dohot mamimpin hamu ruar sian luat on, tu luat na nijanjihonNia mardongan sumpa tu si Abraham, si Ishak dohot si Jakob.”

PAMUNGKAAN 17:21

Tapi anggo parjanjianKi, dohot si Ishak do pudunonKu, i ma anakmu na giot tubuhonon ni si Sara taon naro tarsongon on ma hatihana.”

PAMUNGKAAN 17:16

PasupasuonKu ma ia jana tubuhononnia ma sada anak halaklahi na giot lehenonKu di ho. Ligi da, pasupasuonKu ma si Sara, jana gabe ina ni angka bangso ma ia. Sian angka pomparannia, adong ma na gabe angka raja.”

LUKAS 1:68

“Pinuji ma Tuhan Debata ni bangso Israel Madung ro Ia manopot bangsoNa, jana paluahon halahi.

HARURUAR 4:31

Gabe porsaya ma halahi boti dung dibege halahi bahaso na dung ro hape Debata marnida sude parkancitan ni halahi, dipaunduk halahi ma marsomba tu Debata.

MASMUR 106:4

Ingot ma au ale Tuhan, muda diurupi Ho bangsoMi, tolong ma au muda dipalua Ho halahi.

HARURUAR 20:5

Ulang unduk marsomba tusia sanga maribadat tusia, angke Au, Tuhan, Debatamu, i ma Debata na so ra padiarkon adong imbangKu. UhumanKu do sanga ise na margoyak ni roha di Au lopus tu sundut patoluhon dohot paopatkon.

HARURUAR 3:16

Kehe ma ho, palagut ma sude hatobangon ni Israel. Pabotohon ma tu halahi, na dung ro tu ho, Au, Tuhan, Debata ni ompu ni halahi, Debata ni si Abraham, si Ishak dohot si Jakob, na dung patidahon diriNa tu ho i do marsuru ho paboahon tu halahi, jana madung Huida sanga songon dia pambaen ni halak Mesir i tu halahi.

LUKAS 19:44

Roncohonon ni halahi ma ho, songon i sude halak na adong di bagasan tembok ni kotami; nada dipadiar halahi umpe sada batu di ginjang ni donganna, hara ni na so diparrohahon ho sanga andigan Debata ro giot paluahon ho!”

PAMUNGKAAN 24:36

Madung adong anak ni dadaborunia si Sara, di umur na dung ginjang, jana madung dipasahat tuanki sandok arta sinadongannia tu anaknia i.

1 SAMUEL 1:19

Ancogotna i manyogot-nyogot dope, ngot ma si Elkana dohot dongan sabagasnia jana dung salpu maribadat tu Tuhan mulak ma halahi tu Rama. Jana rap ma si Elkana dohot si Hanna dadaborunia i, jana tulus ma dibaen Tuhan tangiang ni si Hanna i.

2 RAJA-RAJA 4:17

Tapi tutu do na nidok ni si Elisa i. Di taon na mangihut, hira-hira di hatiha na sarupa, sorang ma sada anak ni dadaboru i halaklahi.