PAMUNGKAAN 2:25 - BIBEL JAMITA NA DENGGAN

²⁵ Marsaemara do halaklahi i dohot dadaboru i, tapi nada maila halahi.

PAMUNGKAAN 2:25 Referans Kwoze

PAMUNGKAAN 3:7

Disi dipangan halahi batu ni hayu i manigor marbuka ma pikiran ni halahi, gabe mamoto ma roha ni halahi. Gabe diboto halahi ma hape na so marpakean do halahi; gabe dibuat halahi ma bulung-bulung manutupi pamatang ni halahi.

SURAT NI SI PAULUS TU PARLAGUTAN ROM 10:11

Di Buku Na Badia i tarsurat do, “Sanga ise na porsaya tuSia nada pailaon.”

JOEL 2:26

Tuk ma sipanganon di hamu, nada be sai malean, pujionmunu ma mangulahi Debatamunu, Tuhan, angke dibaen Ia do di hamu bahat hahomangan. Indada gabe sihata-hataan ni halak be bangsongKi!

JEREMIA 17:13

Tuhan, Ho do pos ni roha ni Israel bangsoMi, angkon gabe maila do sude na manadingkon Ho. Na giot kehe ma halahi tu inganan ni jolma na mate i; angke Ho do mual ni aek hangoluan madung ditadingkon halahi, ale Tuhan.

JESAYA 47:3

Idaon ni halak ma ho na so marpakean, dilayasi jana dipaila-ila. Palalu hosom ma Au tu ho, jana nada haantahan sanga ise Au,”

LUKAS 9:26

Muda adong na maila hara ni Au jana maila hara ni pangajaranKu di adopan ni halak na asing, maila muse ma Anak Ni Jolma i mangokui halak sisongon i di haroroNia saulahon mardongan hasangapanNia, jana mardongan hasangapan ni Amangnia, songon i dohot hasangapan ni angka surusuruan na badia!

JEHESKIEL 16:61

Ingotonmu ma angka pambaenanmu jana maila ma ho muda Hupaulak angka parebanmi tu ho. BaenonKu ma halahi songon angka dakdanakmu haru pe nada masuk hian na songon i di bagasan parjanjianKu dohot ho.

JESAYA 54:4

Ulang ho mabiar, nada pola pailaon be ho; nada layasan jabat mangirput ho. Halupahononmu ma na so turemu dompak poso ho; dohot na lungunmu dompak mabalu ho.

MASMUR 25:3

Sai na pataluon do sanga ise halak na manjehei Ho, na pasti monang do halak na manghaposi Ho.

HARURUAR 32:25

Diida si Musa ma, madung songon kudo na malua sian tambatan bangso i – patunda ni na nipalua ni si Harun lopus gabe siincahan ni angka musuna.

MARKUS 8:38

Angke sanga ise na maila hara ni Au dohot hatangKu di tonga-tonga ni halak na so setia dohot pardosa, maila muse ma Anak Ni Jolma i mida ia muda ro Ia di bagasan hasangapan ni AmangNia rap dohot surusuruanNia na badia i.”

JEREMIA 6:15

Angkon maila do nian halahi hara ni sude parbuatan ni halahi na jat i. Hape sihapal bohi do halahi jana na so umboto ila. Patunda ni i angkon gabe madabu do halahi songon halak na asing na dung madabu i; abis noma barita ni halahi muda jabat Au manguhum halahi. Au Tuhan, madung mandok songon i.”

JESAYA 44:9

Na so labo do sude halak sibaen patung sisombaon jana angka barang na nihajopkon ni roha ni halahi i pe nada mararga. Na mapitung jana na bodo do angka na marsomba tu patung i, jadi hara ni i angkon marlayas do halahi baenon.

MASMUR 31:17

Pio-pio do au tu Ho Tuhan, ulang padiar au niarsahan. Padiar ma halak na jahat dipaila, jana mijur tu inganan ni na mate so mandok hata.