PAMUNGKAAN 19:9 - BIBEL JAMITA NA DENGGAN

⁹ Tapi didok halak Sodom i ma tu si Lot, “Morot ho, halak na ro do da ho! Ise ma he ho lakna umbaen na pabotohononmu tu hami sanga aha na giot baenonnami? Kehe ma ho morot! Anggo inda, anso hami balbali ho humancit sian tu sidua halak i.” Jadi dionjar halahi ma si Lot tu pinggir jana diroro halahi ma laho manombom pintu i.

PAMUNGKAAN 19:9 Referans Kwoze

HARURUAR 2:14

Dialusi halakna i ma, “Ise he mangangkat ho gabe pamimpin dohot hakim di hami? Adong he giot bunuonmu muse au, songon halak Mesir na nibunumi?” Gabe mabiar ma si Musa, ninna rohania, “Ah, madung diboto halak hape parkaro on.”

PAMUNGKAAN 13:12

Anggo si Abram laing tinggal do di tano Kanaan, hape anggo si Lot mambaen undung-undung di holang-holang ni angka kota na di rura i lalu tu lambung ni Sodom.

MATEUS 7:6

Ulang lehen hamu barang na badia tu anjing. Harana muda dilehen hamu i, marbalik ma anjing i laho manyarbut hamu. Dung i ulang lehen hamu berlian tu babi, angke dilonca-lonca babi i sajo do i.”

JEREMIA 8:12

O hamu bangsongKu, patut nian maila ma hamu hara ni sude halayason na dung nibaenmunu on! Hape hapal do bohimunu jana nada mamboto hahaila. Jadi hara ni i angkon madabu hamu songon halak na asing na dung madabu i; abis ma riwayatmunu muda dung Huuhumi hamu. Au Tuhan, madung mandok songon i.”

JEREMIA 6:15

Angkon maila do nian halahi hara ni sude parbuatan ni halahi na jat i. Hape sihapal bohi do halahi jana na so umboto ila. Patunda ni i angkon gabe madabu do halahi songon halak na asing na dung madabu i; abis noma barita ni halahi muda jabat Au manguhum halahi. Au Tuhan, madung mandok songon i.”

JEREMIA 3:3

Patunda ni i do gabe so aek sian langit, jana udan na somal di musimna nada unjung ro. Suman do ho tu siboru panggampang na so umboto hahaila.

JESAYA 65:5

Dung i didok halahi ma tu halak na asing, ‘Kehe ho, padao; sun do badianami ulang ho dais tu hami!’ Au Tuhan, nada tahan Au paida-ida jolma sisongon i. Songon api na so ra mintop do muruk ni rohangKu maradopkon halahi.

PARJAMITA 10:13

Dipungka ia do dohot hata rarat na somal, hape ujungna manghobari ia songon na rintik.

PARJAMITA 9:3

Jadi, sarupa do bagian na mandondoni halahi sudena. Nada tigor songon i laing songon sude na masa na di tano on. Salolot di ngolu ni jolma i gok hajungkaton do rohana jana pikiranna pe gok haotoon do. Dung i tompu ma ro ajalna.

PODA 27:3

Nayang dope batu dohot horsik muda nipartimbangkon dohot hamaolon na tubu hara ni haotoon.

PODA 17:12

Gumonan do marsuo dohot induk ni gompul na magoan anak, ulang pado marsuo dohot halak na bodo na topet padalan haotoanna.

PODA 14:16

Jamot do halak na bisuk jana dipasimbil do hajahatan, tapi muda halak na oto dipapuas do hagiotna jana jop rohana.

1 SAMUEL 25:17

Antong ditimbang nyonya i ma pangalaho on, jana diputuskon hamu ma sanga aha na tarpatupa hamu. Angke ro ma halahi mamaloskon tu tuan i dohot tu sude pangisi ni bagasna. Songon i ma jogal ni roha ni tuan i, na so ra do manangihon sanga na ise pe!”

1 SAMUEL 17:44

Pio-pio muse ma ia tu si Daud, “Tole, ro ma ho! Anso hulehen pamatangmi di unggas dohot binatang baen panganonna.”

PAMUNGKAAN 11:6

Jadi didok Ia ma, “Sisada bangso dohot sisada hata do halak on, jana on dope parmulaan ni angka tahi ni halahi. Anggo pola tongkin nari tarbaen halahi ma sanga aha giot ni halahi.

1 SAMUEL 2:16

Muda dialusi halak i, “Dumenggan ma da tapadalan paraturan, jana tatutung jolo tabo-tabo i; dung i buat ma sanga na dia por ni rohamu,” jadi gabe dokkonon ni pangurupi ni malim i do, “Nada, angkon saonnari do lehenonmu, muda nada, maradu gogo pe buatonku do.”

JEHESKIEL 16:49

Ginjang pe roha ni Sodom dohot angka huta pagaranna hara ni bahatna do balanjo simpanan ni halahi boti tenang do tarbaen halahi mangolu jana dame. Tapi nada diparrohahon halahi halak na pogos dohot na dangol.