PAMUNGKAAN 19:8 - BIBEL JAMITA NA DENGGAN

⁸ Tangihon hamu ma jolo, adong do dua halak borungku bujing-bujing. Padiar ma hupasahat borungki tu hamu. Padiar ma baen hamu sanga aha por ni rohamunu tu halahi. Tapi anggo tamungki ulang hahua hamu, tamu do da halahi di bagas jana angkon ondihononkon do halahi.”

PAMUNGKAAN 19:8 Referans Kwoze

HAKIM-HAKIM 19:24

Hulehen pe annon radingnia dohot borungki di hamu. Sapuasmunu ma anggo dohot halahi. Hum on do, ulang antong baen hamu sanga aha na jahat maradopkon tamungki!”

SURAT NI SI PAULUS TU PARLAGUTAN ROM 3:8

Jana biasi inda tola hita mandok, “Tole ma tabaen na jat, anso ro na denggan sian i?” Tutu nian, adong do halak na pabilehon hami, paboa na dung hudok songon i. Anggo halak na songon i satutuna patut do uhumon ni Debata.

MARKUS 9:6

Satutuna, na so diboto si Petrus do sanga aha na giot dohononnia, hara ni na dung santak biar ni roha ni halahi.

JESAYA 58:7

Bagi hamu ma panganonmunu tu halak na malean jana jagit hamu ma masuk tu bagasmu angka halak na mompas-ompas. Muda diida hamu halak na marsaemara lehen hamu pakean tu halahi, jana ulang tulak hamu sisolkotmu na manghaporluhon pangurupionmu.

HAKIM-HAKIM 9:15

Dialusi tada-tada i ma, ‘Muda sian situtu ni rohamunu do mambaen au gabe rajamunu, ro ma hamu marlindung di toru ni linggomanku. Tapi anggo nada ra hamu, ruar do api sian angka dangkangku na marduri on na manyurbu sude angka bona ni ares na di Libanon.’ ”

HARURUAR 32:22

Dialusi si Harun ma, “Ulang ma da antong tu au ho muruk; diboto ho do tangkas sanga na songon dia jahat ni bangso on.

PAMUNGKAAN 42:37

Jadi didok si Ruben ma tu amangnia i, “Muda nada huoban mangulahi si Benyamin, matehon ma anakki na dua i. Pasahat ma da ia tu au, huoban do ia mangulahi.”

PAMUNGKAAN 18:5

Huparade ma jolo nanggo pala indahan sangaum anso margogo na imbaru hamu patoruskon pardalananmunu. Dapotan sangap do au di na maradian on hamu tu bagaskon, hara ni i paloas hamu ma jolo huoloi hamu.” Dialusi halahi ma, “Tarimakasi ma da, hami jagit ma pangidoanmi.”

PAMUNGKAAN 19:7

didok ia ma tu halak Sodom i, “Tangkas ma hupangido tu hamu ale angka dongan, ulang ma da baen hamu pangalaho na jat songon i!

HAKIM-HAKIM 19:23

Haruar ma na tobang-tobang i jana didok ia ma tu halahi, “Ulang ale dongan. Pangidoanku, ulang baen hamu pangalaho na jahat dohot na so patut songon i, harana tamungku do da i.

PODA 9:7

Muda dipatuduhon ho sala ni halak siginjang roha, incahannia do ho. Muda dimuruhi ho halak na jahat, hona siksa do ho baenonna.