PAMUNGKAAN 19:4 - BIBEL JAMITA NA DENGGAN

⁴ Andorang so modom dope angka tamu i, dihaliangi angka halaklahi na di Sodom i ma bagas i. Sude halaklahi na sakota i, na poso dohot na matobang ma disi sude.

PAMUNGKAAN 19:4 Referans Kwoze

PAMUNGKAAN 13:13

Na jahat do halak Sodom jana mardosa maradopkon Tuhan.

PODA 4:16

Nada tarpodom halak na jahat anggo so jolo mambaen na so ture. Nada ra halahi mondohondok anggo so jolo mangago halak na asing.

HARURUAR 23:2

Ulang dohot-dohotan hamu di halak na bahat anggo na mambaen na sala do halahi sanga na mandok hasaksian na paegolkon na tigor.

PAMUNGKAAN 18:20

Dung i didok Debata ma tu si Abraham, “Adong do tuhas-tuhas na borat tu Sodom dohot Gomora, jana na lobi dokdok do tehe dosa ni halahi.

SURAT NI SI PAULUS TU PARLAGUTAN ROM 3:15

Sai songon na mopop do pangalangka ni halahi muda giot manduruskon mudar.

MIKA 7:3

Sude do malo mambaen jahat. Parkuaso dohot panguhum mangido hepeng sogok, jana hatobangon ni kota mamaksahon hagiotna, songon i ma halahi rap martahi na jahat.

JEREMIA 5:31

Angka panurirang manghatahon gabus jana angka malim mangajarkon hagiotna sambing. Jana i do na diparhagiot ni bangsongKu. Tapi muda ro ari parpudi, aha ma sibaenonmunu?”

HARURUAR 16:2

Mungut-ungut ma halahi sudena tu si Musa dohot tu si Harun.

HAKIM-HAKIM 19:22

Dompak marsonang-sonang halahi, tompu ma dihobuk angka jolma na so ture na di kota i bagas i. Diburbari halahi ma pintu ni bagas i jana didok halahi ma tu na tobang-tobang i, “Pasahat tu hami bayo na niobanmi martamu tu bagasmi. Giot pakeonnami ia!”