PAMUNGKAAN 19:21 - BIBEL JAMITA NA DENGGAN

²¹ Dialusi surusuruan i ma, “Olo, huloas pe ho tusi! Nada pola dohot kota na menek i abiskononku.

PAMUNGKAAN 19:21 Referans Kwoze

MASMUR 145:19

Dipasonang Ia do roha ni angka na burju marugamo, ditangihon Ia do pio-pio ni halahi jana dipalua Ia.

MASMUR 102:17

TangihononNia ma tangiang ni bangsoNa na marhasusaan i, jana nada tulakonNia pangidoan ni halahi.

MASMUR 34:15

Diparrohahon Tuhan do halak na daulat, muda pio-pio halahi, ditangihon Ia.

IBRANI 2:17

Jadi astuanna, angkon sarupa do Ia dohot halahi di sude pangalaho. Jadi dung songon i tarbaen Ia ma diriNia gabe Malim Godang ni halahi, na burju jana na maribo ni roha di na nioloanNia Debata laho manyesa angka dosa ni halahi.

LUKAS 11:8

Hudok ma di hamu: “Haru pe dongannia ho, nada ra be ia ngot laho mangalehen bagi aha di ho. Tapi hara ni sai torus do ho mangido tusia, gabe ngot muse ma ia laho mangalehen tu ho sanga aha na nihaporluhonmi.

MATEUS 12:20

Nada diponggolkon Ia arong na gale-gale i, nada intopanNia sumbu na medep-edep. Angkon gogohononNia do lopus jongjong hatigoran,

PAMUNGKAAN 18:24

Sugari sura adong lima pulu halak na so marsala di kota i, laing abiskononMu dehe lakna sude kota i? Na so ra be lakna Ho mangampuni anso malua silima pulu halak i?

PAMUNGKAAN 12:2

Hulehen pe bahat di ho pomparanmu jana gabe bangso na godang ma halahi. Hupasupasu pe ho jana tarbonggal pe goarmu Hubaen, lopus gabe pasupasu ho di halak na bahat.

PAMUNGKAAN 4:7

Muda na denggan do na nibaenmu, musti angkon tata bohimu; tapi hara ni na nibaenmu na jat, gabe painte-intehon ma dosa laho masuk tu bagasan ate-atemu. Na giot rajaan ni dosa ma dirimu, tapi angkon taluhononmu do i.”

JEREMIA 14:10

Salaho tu bangso i didok Tuhan, “Nada jop rohangKu paida-ida angka jolma i na sai manadingkon Au, jana na so ra mangarajai dirina. Nada ra be Au manghalupahon hasalaan ni halahi, uhumanKu do halahi hara ni dosa ni halahi.”

PAMUNGKAAN 19:20

Ligi pe da tu adu, adong disi kota na menek na so pola sadia dao. Loas ma au tusi kehe gabe malua ma au.”

PAMUNGKAAN 19:22

Ompoti ma marlojong! Nada tarbaen au bagi aha anggo so lalu ho tusi.” Hara ni na nidok ni si Lot kota i menek, gabe Zoar ma goar ni kota i.

1 SAMUEL 25:35

Dung i dijagit si Daud ma sanga aha na nioban ni si Abigail i disia, lalu didok ma tusia, “Mulak ma ho tu bagasmu jana ulang be gamang ho. Huoloi do pangidoanmi.”

HARURUAR 33:17

Didok Tuhan ma tu si Musa, “Huoloi pe pangidoanmi hara ni na lomo rohangKu di ho jana Hutanda ho tangkas.”