PAMUNGKAAN 19:15 - BIBEL JAMITA NA DENGGAN

¹⁵ Di andostorang i disosoi surusuruan na dua i ma si Lot anso marhobas, “Ompoti bo,” ning halahi, “Kehe ma ho dohot ripemi dohot borumu na dua i sian on, anso ulang mate hamu muda diabiskon kota on.”

PAMUNGKAAN 19:15 Referans Kwoze

HALUMBAAN 18:4

Jadi hubege ma sada sora na asing sian banua ginjang mandok, “Ruar ma hamu angka bangsongKu! Ruar ma hamu sian bagasan! Ulang ihutkon hamu angka dosana i, jana ulang dohot hamu mananggung uhumanna i!

2 KORINTUS 6:2

Didok Debata do di Buku Na Badia i, “Di hatiha na nipatumbuk, madung Hutangihon pio-piomu, jana di ari haluaan madung Huurupi ho.” Tangkas ingot hamu! Saonnari ma hatiha na nipatumbuk i. Saonnari ma arina, ari haluaan.

PAMUNGKAAN 19:22

Ompoti ma marlojong! Nada tarbaen au bagi aha anggo so lalu ho tusi.” Hara ni na nidok ni si Lot kota i menek, gabe Zoar ma goar ni kota i.

PAMUNGKAAN 19:17

Dung i didok sahalak sian surusuruan i ma, “Marlojong ma hamu, palua hosamunu! Ulang manaili tu pudi jana ulang maradian di rura. Tu dolok-dolok ma lojongi hamu, anso ulang mate hamu!”

PAMUNGKAAN 19:14

Jadi kehe ma si Lot mandapotkon dua halak doli-doli tunangan ni borunia i, jana didok ia ma, “Ompoti hamu ma ruar sian kota on, harana giot abiskonon ni Tuhan ma kota on.” Tapi diambang halahi na margonjak do si Lot.

PAMUNGKAAN 19:16

Ganggu dope si Lot. Tapi ibo ma roha ni Tuhan mida ia; jadi gabe ditogu tamu na dua i ma si Lot dohot daborunia dohot borunia na dua i, dioban ma halahi tu ruar ni kota i.

MASMUR 94:23

Diuhum Ho do halak na jahat hara ni hajahatanna, dipangabis Ho do halahi hara ni dosana. Tuhan Debatanta giot patimpaskon halahi.