PAMUNGKAAN 19:11 - BIBEL JAMITA NA DENGGAN

¹¹ Dung i dipapitung halahi ma sude mata ni halak na di ruar ni bagas i lopus nada dapot angka jolma i be pintu i mangulahi.

PAMUNGKAAN 19:11 Referans Kwoze

2 RAJA-RAJA 6:18

Jadi taran mangaroro halak Siria i, martangiang ma si Elisa, “Tuhan papitung ma mata ni halak Siria on!” Dioloi Tuhan ma tangiang ni si Elisa i jadi gabe mapitung ma halahi sude.

BAENON NI ANGKA RASUL 13:11

Ligi ma saonnari uhumon ni Tuhan ma ho, lopus nada idaonmu be sondang ni mataniari piga-piga ari on,” ning si Paulus. Manigor taraso ma di si Elimas, songon na adong na golap manutup matania i, gabe gapa-gapa noma ia mardalan manjalahi halak manogu ia.

JEREMIA 2:36

Nayang na i didok rohamu laho paubahon parangemu! Jana angkon maila ma ho hara ni halak Mesir, songon na dung dipaila ni Asur i ho.

JESAYA 57:10

Hara ni pardalananmu na dao loja ma ho, tapi nada didok ho: “Nada adong arop ni roha!” Dapot ho do gogo na imbaru, hara ni i nada gale ho.

PARJAMITA 10:15

Hum na mangalojai dirina do karejo ni halak na bodo; nada diboto ia anggo dalan tu kota.

PAMUNGKAAN 19:12

Didok tamu na dua i ma tu si Lot, “Betak adong dope koum sisolkotmu na asing dison – i ma anak, boru, hela angka koummu na maringanan di kota on – oban ma halahi ruar sian on,