PAMUNGKAAN 17:18 - BIBEL JAMITA NA DENGGAN

¹⁸ Gabe disapai ia ma tu Debata, “Biasi lakna nada si Ismael na gabe panean di au?”

PAMUNGKAAN 17:18 Referans Kwoze

BAENON NI ANGKA RASUL 2:39

Angke tu hamu do ale angka dongan, dohot tu pomparanmunu, songon i muse tu angka halak na maringanan di na dao do na nijanjihon ni Debata i – i ma sudena halak na nipiohon ni Debata Tuhanta i anso ro tuSia.”

MASMUR 41:12

Diurupi Ho do au hara ni bulus ni rohangku, jana dibaen Ho au mangolu rap dohot Ho sapanjangna.

MASMUR 4:6

Miduk do halak na mandok, “O Tuhan, pasupasu ma hami, sai lomo ma rohaMu mida hami.”

JEREMIA 32:39

LehenonKu ma tu halahi sada sajo tujuan ni ngoluna: i ma, pasangapkon Au salolot-lolotna; na patongon na denggan do i tu halahi sandiri, dohot tu pomparan ni halahi.

JESAYA 59:2

Hara ni angka dosamunu i do umbaen na so ditangihon Ia hamu. Patunda ni angka hajahatanmunu i do umbaen na sirang hamu sian Debata di na so marsomba hamu tuSia.

PAMUNGKAAN 4:14

Dipaorot Ho do iba sian tano on, padaohon sian Ho dohot sian pangurupiMu. Mompas-ompas noma iba, nada adong bagas di tano on, jadi sanga ise na marsuo dohot iba bunuonna ma iba.”

PAMUNGKAAN 4:12

Muda pe gabe martani ho, na so adong ma bagi aha hasil ni tano i; gabe halak na madoado noma ho na so adong bagasna di tano on.”

PAMUNGKAAN 17:17

Gabe manungkap ma si Abraham, tapi mikim do ia di na nipikirnia, “Mungkin do lakna sada halaklahi na marumur saratus taon mardakdanak? Mungkin dope ulaning adong anak ni si Sara na marumur sambilan pulu taon i?”

PAMUNGKAAN 17:19

Tapi didok Debata ma, “Nada ale. Tubuhonon ni si Sara ripemi do anak halaklahi, jana baen ma goarna si Ishak. Torus do tioponKu parjanjianKu tu dakdanak i dohot tu pomparanmu salolot-lolotna.

PAMUNGKAAN 21:11

Marsak ma roha ni si Abraham pasari-sari pangalaho i, harana si Ismael pe laing anaknia do antong.