PAMUNGKAAN 16:6 - BIBEL JAMITA NA DENGGAN

⁶ Dialusi si Abram ma, “Antong denggan. Hatobanmu jana ditoru ni kuasomu do i; baen ma roha-rohamu tusia.” Jadi dibaen si Sarai ma roha-rohania tu si Hagar, hara ni kejamnia gabe lari ma si Hagar.

PAMUNGKAAN 16:6 Referans Kwoze

JEREMIA 38:5

Dialusi Raja Zedekia ma, “Denggan ma i, baen hamu ma tusia sanga aha giotmunu, nada tarantahi au hamu.”

1 PETRUS 3:7

Bope hamu angka ama, mardongan bisuk ma hamu maradopkon dadaborumunu jana mardongan roha na torang, ingot hamu ma halak na gale do halahi. Sangap ma baen hamu halahi, angke rap na giot hasahatan ni ngolu na tutu na sian Debata do halahi dohot hamu. Di ngolu na songon i, nada adong be na mangambati tangiangmunu maradopkon Tuhan.

PARJAMITA 10:4

Muda hona muruk ho dibaen raja. Ulang pola pangido maradian markarejo. Haru pe palka hasalaanmu, disesa do i muda tenang ho jana sobar.

PODA 29:19

Nada tarajar sada hatoban dohot hata-hata sajo. Mangarti do ia nian, tapi na so diparrohahon do.

PODA 27:8

Halak na manadingkon bagasna, tudos tu unggas na maninggalkon asarna.

PODA 15:1

Alus na lambok paombun rimas alus na kasar patamba gilap.

PODA 14:29

Halak na sobar bidang do pangastuionna, tapi halak parmuruk na pagodang haotoanna.

JOB 2:6

Jadi didok Tuhan ma tu Sibolis, “Antong, baen sajo ma sanga na aha tusia, asal ma ulang dibunu ho ia.”

HARURUAR 2:15

Dung tarbege tu raja na masa i, dijalahi ia ma dalan laho mamunu si Musa. Gabe lintun ma si Musa jana maringanan di Luat Midian ma ia. Malim sian Midian margoar si Jetro, pitu do borunia. Di na sadari, hatiha juguk si Musa di lambung ni sada sumur, ro ma bujing-bujing na pitu i; giot manimba aek mangisi panginuman ni habanan ni hambeng dohot biri-biri ni amang ni halahi.

PAMUNGKAAN 24:10

Dibuat hatoban i ma sampulu unto ni tuanna i dohot angka barang-barang na mararga, jana kehe ma ia rap dohot piga-piga halak nari hatoban na asing manopot kota na niinganan ni si Nahor najolo, i ma na di sabola Utara ni Mesopotamia.

PAMUNGKAAN 16:9

Didok surusuruan i ma, “Mulak ma ho tusia, jana paunduk ma rohamu mangoloi ia.”

JOSUA 9:25

Saonnari di bagasan kuasomunu noma hami. Dibaen tuan i ma sanga aha na denggan mangihutkon roha ni tuan i.”