PAMUNGKAAN 16:15 - BIBEL JAMITA NA DENGGAN

¹⁵ Jadi sorang ma anak ni si Hagar, jadi digoari si Abram amangnia i ma dakdanak i si Ismael.

PAMUNGKAAN 16:15 Referans Kwoze

PAMUNGKAAN 25:12

On ma pomparan ni si Ismael anak ni si Abraham na nitubuhon ni si Hagar boru Mesir hatoban ni si Sara i.

1 JUJUR TAON 1:28

Dua halak anak ni si Abraham, i ma si Ishak dohot si Ismael.

PAMUNGKAAN 37:27

Tagadis ma tu halak Ismael i. Jadi nada porlu parkancitanta ia; sanga na bia pe laing na angginta do da ia, dongan samudarta.” Gabe satuju ma angka kahangginia i di usul i,

PAMUNGKAAN 28:9

jadi kehe ma ia mandapotkon si Ismael anak ni si Abraham jana dibuat ia ma boru ni si Ismael, na margoar si Mahalat anggi ni si Nebayot.

PAMUNGKAAN 25:9

Dikuburkon si Ishak dohot si Ismael anaknia i ma ia di Liang Mahpela, di ladang na di Habincaran ni Mamre, i ma nampuna ni si Efron hian anak ni si Zohar halak Het i.

PAMUNGKAAN 17:20

Madung Hubege pangidoanmi taringot tu si Ismael, jadi hara ni i pasupasuonKu do ia jana lehenonKu pomparan na bahat tusia. Gabe ompu ni dua bolas raja ma ia, jana baenonKu ma pomparannia gabe sada bangso na godang.

PAMUNGKAAN 17:18

Gabe disapai ia ma tu Debata, “Biasi lakna nada si Ismael na gabe panean di au?”

PAMUNGKAAN 16:11

Tubuhononmu ma sada anak halaklahi jana goaronmu ma ia si Ismael, angke madung ditangihon Tuhan andung-andungmi.

PAMUNGKAAN 16:14

I ma dalanna umbaen na nigoaran ni halak sumur na di holang-holang ni Kades dohot Bered, “Sumur ni Na Mangolu Na Mamparrohahon Au”.

PAMUNGKAAN 16:16

Marumur salapan pulu onom taon ma si Abram hatiha i.