PAMUNGKAAN 13:10 - BIBEL JAMITA NA DENGGAN

¹⁰ Jadi ditatap si Lot ma humaliang jana diida ia ma sude rura ni Jordan lopus tu kota Zoar, bahat aek disi, songon kobun ni Tuhan sanga songon tano Mesir. (Di hatiha i nada disegohon Tuhan dope kota Sodom dohot Gomora.)

PAMUNGKAAN 13:10 Referans Kwoze

PANGARATAION 34:3

bagian Selatan ni Juda dohot tano napa na manggistang sian Zoar tu Jeriko kota na gok dohot kurma.

JESAYA 51:3

Angke apoan ni Tuhan ma Sion, mangapoi sude hasesegona. Dibaen Ia do halongonan i songon kobun Eden jana padang-padangna songon kobun ni Tuhan. Disi ma adong jop ni roha, ende hatarimakasion dohot logu na gogo.

PAMUNGKAAN 14:8

Dung i angka raja na sian Sodom pe dohot Gomora, Adma, Zeboim dohot Bela diatur halahi ma soridadu ni halahi di Rura Sidim lalu marporang mangalo

JOEL 2:3

Dijolona api na manutung jana mambaen marmosohan dipudina gara ni api nada mar na mintop. Tano na dijolona songon kobun Eden, tapi dipudina songon halongonan na gariang jana nada adong na malua.

PAMUNGKAAN 14:2

mangalo lima raja na asing, i ma si Bera sian Sodom, si Birsia sian Gomora, si Sinab sian Adma, si Semeber sian Zeboim dohot raja sian Bela (sanga Zoar).

JEHESKIEL 28:13

Di Eden do ingananmu, di kobun ni Debata. Pakeanmu dipajeges dohot simata marrupa-rupa, i ma jaspis na rara, krisolit, jaspis na rata-rata, permata pirus; krisopras; nefrit; lajurit; batu na rara songon mudar dohot malakit. Bagas godang pe dibaen sian sere jana diparade do i di ari panompaonmu.

1 RAJA-RAJA 7:46

Mangihutkon parenta ni raja do sudena i, na dituang di tuangan ni tumbaga na di antara ni Sukot dohot Zaretan di Rura Jordan.

JEHESKIEL 31:8

Angka hayu sampinur na di kobun ni Debata nada adong manandingisa, hayu haruaya pe nada bisa manyarupoi ranting-rantingna, sude hayu na di kobun ni Debata nada adong na manyarupoisa hara ni jegesna.

JEREMIA 48:34

Martangisan ma halak na di Hesbon dohot Eleale jana tarbege partangis ni halahi i lalu tu Jahas, jana habegean muse do tu angka jolma na sian Zoar lopus tu Horonaim dohot Eglat Selisia. Tangis halahi hara ni na mahiang muse aek di anak ni Batang aek Nimrim.

JESAYA 15:5

Ibo do rohangKu mida Moab! Mangungsi noma halak kota i tu Zoar dohot tu Eglat Selisia. Adong ma deba na manangkok di dalan na tu Luhit laing tumatangis; adong na marlojong tu Horonaim laing gogo mangangguhi.

MASMUR 107:34

Tano na napu dibaen Ia gabe tano garoga, hara ni hajahatan ni jolma na manginganisa.

PAMUNGKAAN 6:2

diligi angka “anak ni Debata” ma bahaso na jeges do angka anak boru i. Gabe dibuat halahi ma anak boru por ni roha ni halahi be.

PAMUNGKAAN 3:6

Jeges ma antong hayu i diida dadaboru i, dohot tabona pe batuna i panganon jana marpikir ma ia, sonangna i antong muda gabe bisuk iba. Jadi gabe diputikkon ia ma batu ni hayu i lalu dipangan ia. Dilehen ia muse ma deba di halaklahinia i jadi dipangan halaklahinia i muse ma i.

PAMUNGKAAN 11:27

On ma pomparan ni si Terah: Si Terah ma amang ni si Abram, si Nahor dohot si Haran. Adong ma anak ni si Haran si Lot goarna.

PAMUNGKAAN 13:9

Jadi gumonan ma hita marsirang. Ho ma mamili sanga na dia giotmu bagianmu. Muda sabola on do di ho, anso tu na asing au kehe.”

PAMUNGKAAN 13:11

Gabe dipili si Lot ma sude rura ni Jordan disia, jana kehe ma ia sabola Habincaran. Gabe marsirang ma halahi na dua.

PAMUNGKAAN 47:6

jadi dohot ma halahi nampuna tano Mesir on. Padiar ma da maringanan di Luat Gosen halahi, on ma lunggu-lunggu na dumenggan di luat on. Jana betak sai adong sian halahi angka na malo, baen ma halahi gabe pangurus ni pahan-pahananku.”

JOB 40:23

Nada ia mabiar haru pe sun dorasna Batang aek Jordan laing songon na somal do ia haru pe aek lalu tu bohina.

JEHESKIEL 16:46

Samaria na di Utara ma angkangmu dohot sude pagaranna. Jana anggimu ma Sodom na di Selatan dohot sude huta pagaranna.

JEHESKIEL 16:49

Ginjang pe roha ni Sodom dohot angka huta pagaranna hara ni bahatna do balanjo simpanan ni halahi boti tenang do tarbaen halahi mangolu jana dame. Tapi nada diparrohahon halahi halak na pogos dohot na dangol.

JEHESKIEL 31:9

Au do mambaen ia songon i jogina dohot angka dangkana na ginjang i boti rumbunna. Sandok hayu na adong di kobun ni Debata mangiburu do rohana tusia.

JEHESKIEL 47:18

Parbatasan sabola Habincaran lalu tu Selatan, mamungka sian sada inganan antara ni luat ni Damaskus dohot luat ni Hauran. Jadi Batang aek Jordan ma batasna antara ni tano ni Israel di Hasundutanna dohot Gilead di Habincaranna, lopus tu Tamar na di topi ni Laut Hamatean.