PAMUNGKAAN 12:8 - BIBEL JAMITA NA DENGGAN

⁸ Dung salpu i pinda ma ia tu Selatan tu luat na mardolok-dolok di Habincaran ni Betel. Jana dipajongjong ia ma disi undung-undungnia di holang-holang ni Betel di Hasundutan dohot Ai di Habincaran. Laing dipajongjong ia muse do disi sada langgatan parsombaan tu Tuhan, laing dipio ia ma goar ni Tuhan disi.

PAMUNGKAAN 12:8 Referans Kwoze

NEHEMIA 11:31

Deba sian Marga Benyamin maringanan do di Geba, Mikmas, Aya, Bet-El dohot di angka huta na di lambungna i,

PAMUNGKAAN 4:26

Adong ma anak ni si Set na margoar si Enos. Mamungka di hatiha i ma didok halak goar ni Tuhan Na Badia i muda maribadat tuSia.

PAMUNGKAAN 21:33

Jadi disuan si Abraham ma sada hayu tamariska jana disomba ia ma Tuhan Debata na manongtong i.

1 KORINTUS 1:2

tu parlagutan ni Debata na di Korintus, i ma angka na diparbadiai di bagasan Kristus Jesus jana na nipiohon gabe angka halak na badia, dohot tu sude halak di sude ingananna, na mamiohon goar ni Tuhanta Jesus Kristus, i ma Tuhan ni halahi dohot Tuhanta.

PAMUNGKAAN 28:19

Dibaen ia ma goar ni inganan i Betel. (Lus hian do goar ni kota on na salpu i.)

PAMUNGKAAN 13:4

dohot langgatan. Disi ma ia manyomba Tuhan.

BAENON NI ANGKA RASUL 2:21

Anggo di hatiha i, dapotan haluaan ma sanga ise na mangido pangurupi ni Tuhan i.”

JOEL 2:32

Anggo di hatiha i, dapotan haluaan ma sanga ise na mangido pangurupi ni Tuhan i. Harana di Dolok Sion dohot di Jerusalem giot adong ma haluaan songon na nidok ni Tuhan; sude halak na mamiohon goar ni Tuhan, i do na giot dipalua.”

JESAYA 10:28

Madung dirampas tentara ni Asur kota Ajat! Madung disalpui halahi Migron! Di Mikmas do ditadingkon halahi bohal haporluanna!

MASMUR 116:4

Gabe pio-pio au tu Tuhan, ningku, “Ale Tuhan, hupangido, palua ma au!”

JOSUA 18:22

Bet-Araba, Zemaraim, Betel,

JOSUA 8:17

Ruar ma sandok jolma na di Ai laho mangkojar angka halak Israel gabe dipadiar kota i talak songon i umpe adong na manjagosa.

JOSUA 8:3

Jadi marhobas ma si Josua laho kehe tu Ai rap dohot sude tentarania. Dipili ia ma tolu pulu ribu angka parporang na dumenggan jana disuru ia ma halahi borngin-borngin

JOSUA 7:2

Na disuru si Josua do di hatiha i piga-piga halak sian Jeriko tu Ai, i ma sada kota di Habincaran ni Betel, na di lambung ni Bet-Awen. Na disuru do halahi kehe laho manangkasi luat i. Dung sidung dipadalan halahi karejo i,

PAMUNGKAAN 35:3

Morot ma hita sian inganan on jana kehe ma hita tu Betel. Pajongjongonku ma disi sada langgatan di Debata na mangurupi au di hatiha hasusaanku jana na mandongani au sanga na tu dia pe au kehe.”

IBRANI 11:9

Mardongan haporsayaan tu Debata, songon halak na ro do si Abraham di luat na nijanjihon ni Debata i tusia. Maringanan ma si Abraham disi di bagasan bandar. Laing songon i do si Ishak dohot si Jakob na dung dohot manjagit janji i sian Debata.

PAMUNGKAAN 8:20

Dipajongjong si Noak ma sada langgatan di Tuhan, dibuat ia ma sada binatang dohot unggas na so haram sian ganop horong, ditutung ia ma i himpal-himpal songon haul somba-somba di ginjang ni langgatan.

PAMUNGKAAN 13:3

Jadi kehe ma ia sian inganan na sada tu inganan na asing mandapotkon Betel. Lalu ma ia tu antara ni Betel dohot Ai, i ma luat na niinganannia na salpu i pajongjong undung-undungnia

PAMUNGKAAN 13:18

Dung i dipaimbar si Abram ma inganan ni undung-undungnia jana maringanan di lambung ni harangan inganan paribadatan na di Mamre donok tu Hebron ma ia torus. Jana disi ma dipajongjong ia langgatan di Tuhan.

PAMUNGKAAN 22:9

Di na lalu halahi tu inganan na nidok ni Debata tu si Abraham, dipajongjong ia ma sada langgatan jana diatak ia ma soban i di ginjang ni langgatan i. Bulus ditambat ia ma anaknia i jana dipapodom ia di langgatan i di ginjang ni soban i.

PAMUNGKAAN 26:25

Dung i dipajongjong si Ishak ma langgatan disi jana disomba ia ma Tuhan. Disi ma ia mambaen bandar jana dihuar angka hatobannia ma sumur na asing.

JOSUA 8:9

Jadi disuru si Josua ma halahi, jana kehe ma halahi martabuni lalu paintehon disi di Hasundutan ni Ai, antara ni Ai dohot Betel. Jana si Josua marborngin di parbandaran.

JOSUA 8:12

Hurang lobi lima ribu halak bahatna disuru ia martabuni di sabola Hasundutan ni kota i, antara ni Ai dohot Betel.

1 SAMUEL 30:27

Angka on ma kota i: Betel, Rama na di bagian Selatan ni Juda, Jatir,

PAMUNGKAAN 31:25

Madung dipajongjong si Jakob hian bandarnia di sada dolok-dolok. Dung i si Laban pe dibaen ia ma bandarnia dohot halaknia i di dolok-dolok na asing di na humaliang i muse.

PAMUNGKAAN 33:20

Dung i dipajongjong ia ma langgatan disi jana dibaen ia ma goarna, “Debata, Debata ni si Israel”.

PAMUNGKAAN 35:7

Dipajongjong si Jakob ma disi sada langgatan jana dibaen ia ma goar ni inganan i “El-Betel”, angke disi ma dipataridahon Debata diriNa tu si Jakob di na lari ia sian angkangnia.

HARURUAR 17:15

Jadi dipajongjong si Musa ma sada langgatan, jana dibaen ia ma goarna, “Tuhan do Manderangku.”

JOSUA 8:30

Dung i dipajongjong si Josua ma sada langgatan di Dolok Ebal baen di Tuhan, Debata ni Israel.

JOSUA 22:10

Di na lalu Marga Ruben, Gad dohot Manase Parhabincaran di Gelilot, – di Hasundutan ni Batang aek Jordan dope i – dipajongjong halahi ma sada langgatan na godang jana na tongam di lambung ni batang aek i.

HAKIM-HAKIM 6:24

Lalu dipajongjong si Gideon ma disi sada langgatan jana digoari ia ma i, “Tuhan do mual ni hasonangan.” Laing adong dope langgatan i di Ofra, i ma kota ni halak Abieser.