PAMUNGKAAN 12:16 - BIBEL JAMITA NA DENGGAN

¹⁶ Hara ni si Sarai, gabe denggan ma pambaenan ni raja i tu si Abram, jana dilehen ma disia angka hatoban, biri-biri dohot hambeng, lombu, halode dohot unto.

PAMUNGKAAN 12:16 Referans Kwoze

PAMUNGKAAN 20:14

Dung i dipaulak si Abimelek ma si Sara tu si Abraham, jana dipasahat ia dope disia angka hatoban, biri-biri dohot lombu.

PAMUNGKAAN 13:2

Kayo situtu do si Abram, adong do biri-birinia, hambeng, lombu songon i muse perak dohot sere.

JOB 42:12

Dipasupasu Tuhan ma si Job, maradu marlobi-lobi di angka ngolunia na tinggal i, lumobi sian dompak so masa sitaononnia i. Adong do opat bolas ribu bahatna hambeng biri-biri ni si Job, onom ribu untonia, dua ribu lombu dohot saribu halode.

JOB 1:3

Tamba ni i bahat do angka naposonia, pitu ribu biri-birinia, unto tolu ribu, lombu saribu dohot halode lima ratus. Pendek hata dohonon, ia ma na kumayo sian sude halak na maringanan di Luat Habincaran.

PAMUNGKAAN 32:5

Saonnari adong do lombungku, halode, biri-biri, hambeng dohot angka naposo bage. Na paboahon ma au tu tuanku mardongan arop ni roha, jop roha ni tuanku.’ ”

PAMUNGKAAN 26:14

Hara ni bahatna biri-birinia dohot lombu dohot angka naposonia, gabe mangiburu ma halak Pilistin i tusia.

PAMUNGKAAN 24:35

Marlobi-lobi do pasupasu ni Tuhan di si Abraham jana dibaen do ia gabe halak na santak kayo. Madung dilehen Tuhan disia biri-biri na marhulanan-hulanan, hambeng, lombu, unto, halode, perak, sere, hatoban halaklahi dohot dadaboru.

LUKAS 12:45

Tapi muda didok naposo i do di bagasan rohania, ‘Honok dope anso mulak tuanki,’ gabe dipungka ia ma mambalbali angka naposo halaklahi dohot dadaboru, gabe mangan minum ma ia lopus mabuk.

PAMUNGKAAN 13:6

Jadi hara ni i nada tuk be angka ruput na di padang-padang i muda rap halahi na dua sainganan, harana madung mabahattu pahan-pahanan ni halahi.

PAMUNGKAAN 16:1

Laing so maruntungan dope anggo si Sarai, dongan saripe ni si Abram i. Tapi adong do sahalak hatobannia halak Mesir, bujing-bujing dope na margoar si Hagar.

PAMUNGKAAN 30:43

Jadi sian dalan na songon i gabe kayo sajo ma si Jakob. Gabe bahat ma marhulanan hambeng biri-biri ni si Jakob, untonia, halodenia dohot angka hatobannia.