PAMUNGKAAN 12:13 - BIBEL JAMITA NA DENGGAN

¹³ Jadi hara ni i dokkon ma tu halahi, ibotongku do ho anso hara ni ho gabe paloason ni halahi au mangolu jana denggan baenon ni halahi tu au.”

PAMUNGKAAN 12:13 Referans Kwoze

PAMUNGKAAN 26:7

Jadi di na nisapaan ni angka halak na disi salaho tu si Ribka, didok si Ishak ma ibotonia do i jana nada dongan saripenia. Biar roha ni si Ishak betak sai bunuon ni halak na disi ia laho mambuat si Ribka na santak jogi i.

PAMUNGKAAN 20:2

didok ia ma ibotonia si Sara dongan saripenia i. Jadi gabe disuru si Abimelek raja na sian Gerar i ma obanon si Sara tusia.

PAMUNGKAAN 20:5

Na nidok ni si Abraham sandiri do ibotonia anakboru i, jana songon i muse do pandok ni anakboru i. Sian ias ni rohangku do hubaen songon i, jana nanggo adong hubaen na sala.”

JEHESKIEL 18:4

Satutuna, Au do nampuna tondi ni sude! Tondi ni ama bope tondi ni anak Au do nampunasa! Jana halak na mardosa, i do na angkon mate.

JESAYA 57:11

Tu ise ulaning ho humitir jana mabiar, gabe margabus ho, jana nada mangingot Au, sanga inda ditangihon ho Au. Nada he hara ni na sip jana Hupapitpit matangKu, gabe nada mabiar be ho tu Au?

PAMUNGKAAN 11:29

Dialap si Abram ma si Sarai gabe dongan saripena, jana si Nahor mambuat si Milka boru ni si Haran. Adong dope angka dakdanak ni si Haran na asing na margoar si Jiska.

KOLOSSE 3:6

Angka pangalaho na songon i ma na pasunggul-sunggul rimas ni Debata maradopkon angka halak na so mangoloi Ia.

SURAT NI SI PAULUS TU PARLAGUTAN ROM 6:23

Angke hamatean do upa ni dosa; tapi silehen-lehen ni Debata i ma ngolu na manongtong di bagasan Kristus Jesus, Tuhanta i.

JOHANNES 8:44

Angka anak ni Sibolis do hamu. Jadi hagiot ni amangmunu do na nijalahanmunu. Sian mula-mulana do Sibolis i sibunu jolma. Nada mangolu dibagasan hatutuan ia, harana nada adong disia hatutuan. Pargabus do Sibolis, angke songon i hian do bako ni i. Tutu do pargabus Sibolis i, ia do ama ni sandok gabus.

PAMUNGKAAN 12:14

Jana tutu ma antong, dung disalpui si Abram batas, masuk ma ia tu Mesir; diida halak Mesir i ma na tutu do hape na jeges sajo tompa ni si Sarai.

JEREMIA 38:17

Dung i hudok ma tu si Zedekia, songon on do didok Tuhan Na Markuaso i, Debata na nisomba ni halak Israel, “Muda dipasahat ho do dirimu tu angka tentara ni raja Babel i, nada bunuonna ho, jana kota on pe nada tutungonna. Malua do ho dohot dongan sabagasmu.

JEREMIA 38:20

“Nada,” ningku mangalusi, “Nada pasahatonna raja i tu halahi. Gomos ma pangidoanku anso dioloi raja i ma nian tona ni Tuhan on; sidung do sudena i muse, jana nada hona bunu be raja i.