PAMUNGKAAN 11:6 - BIBEL JAMITA NA DENGGAN

⁶ Jadi didok Ia ma, “Sisada bangso dohot sisada hata do halak on, jana on dope parmulaan ni angka tahi ni halahi. Anggo pola tongkin nari tarbaen halahi ma sanga aha giot ni halahi.

PAMUNGKAAN 11:6 Referans Kwoze

PAMUNGKAAN 3:22

Didok Tuhan Debata ma, “Saonnari madung gabe tudos songon Hita jolma i jana madung marparbinotoan taringot tu na denggan dohot na jahat. Nada patolaon panganonna batu ni hayu na mangalehen ngolu i, anso ulang mangolu ia salolot-lolotna.”

PAMUNGKAAN 11:1

Di mulana hum sada do hata ni angka jolma na di tano on, jana sarupa do hata ni halahi sude.

LUKAS 1:51

Dohot tanganNia na gogo i diparsuakkon Ia angka halak na sombong, jana dipasarsar Ia tahi ni halahi.

PARJAMITA 11:9

Hamu angka na poso, marjop ni roha ma hamu di haposoonmu. Marsonang-sonang ma hamu dompak poso. Baen ma giotmu, jana patulus ma giot ni rohamu. Tapi ingot ma, angkon uhumon ni Debata do muse sude na nibaenmu.

PAMUNGKAAN 6:5

Di na nipamanat ni Tuhan, hape na sun do jahat ni jolma i sude di tano on, boti santak ni busuk ni angka pikiran ni halahi,

PAMUNGKAAN 8:21

Moga ma Tuhan dibaen uap na huskus sian haul somba-somba i, jana didok Tuhan ma di bagasan rohaNia, “Nanggo buraanKu be portibi on hara ni pangalaho ni jolma; Huboto, sian haposoon ni jolma i do jahat pikiranna. Nada uhumanKu be sude jolma na mangolu, songon na baru Hubaen i.

PAMUNGKAAN 9:19

Anak ni si Noak na tolu halak on ma ompu ni sude jolma na satano on.

BAENON NI ANGKA RASUL 17:26

Sian sada jolma dibaen Ia ma sude bangso jana disuru Ia halahi mangingani tano on sudena. Laing marguru diSia do sian mulana laho manontuhon sanga andigan hatihana jana olat ni dia batasna halahi tola mangolu.

HAKIM-HAKIM 10:14

Tu angka debata na nipilimunu i ma hamu antong kehe. Pio-pio ma hamu tu halahi! Padiar ma halahi na paluahon hamu di bagasan hasusaan i.”

1 RAJA-RAJA 18:27

Dung potang ari, mamungka ma si Elia mangalayas-layasi halahi. “Pagogo hamu ma sora ni tangiangmunu i! Inda he debata do ia? Aropku na topet kehe do ia mardalanan! Sanga betak na hatiha modom dope ia, jadi angkon sunggulanmunu do ia!”

AMOS 4:7

Au do na mangantak ulang ro udan di na porlu situtu maraek suan-suananmunu. Huparo udan tu kota na sada, tapi tu kota na asing nada. Ladang na sada por udan, hape ladang na asing halogoan.