PAMUNGKAAN 10:6 - BIBEL JAMITA NA DENGGAN

⁶ Angka anak ni si Ham i, i ma si Kus, Mesir, Libia dohot Kanaan i ma na gabe ompu ni angka bangso na nigoar mangihutkon goar ni halahi.

PAMUNGKAAN 10:6 Referans Kwoze

JEHESKIEL 27:10

Angka tentara sian Persia, Lidia dohot Libia masuk tu tentaramu. Dipargantungkon halahi parince dohot kupia baja ni halahi di angka tembok ni hutamu. Madung diurupi halahi pataluhon angka musu lalu manamba habonggalanmu.

JEREMIA 46:9

Marpacu ma da, angka kudo! Mardalan ma da angka kareta! Maju ma da angka na gogo sian Sudan. Songon i dohot sitiop parince na sian Libia dohot panyior na malo na sian Lidia.’ ”

JESAYA 11:11

Di ari i, sanoli nari giot pakeon ni Tuhan ma kuasoNia jana obanonma bangsoNia na teba i di Asur dohot Mesir, di angka luat ni Patros, Sudan dohot Elam, di Babel, Hamat dohot di angka pulo na di laut.

MASMUR 106:22

angka pambaenan na godang di Tano Ham, angka pangalaho hahomangan di Laut Rara.

MASMUR 105:27

Dipatupa halahi di Mesir hahomangan, angka pambaenan na godang sian Tuhan.

MASMUR 105:23

Jadi kehe ma si Jakob tu Mesir jana maringanan ma ia di luat i songon halak sileban.

MASMUR 78:51

Sian sude ripe ni halak Mesir, dibunu Ia anak siangkaan halaklahi.

PAMUNGKAAN 9:22

Di na ro si Ham amang ni si Kanaan i, diida ia ma amangnia i marsaemara, jadi ruar ma ia paboahon tu kahangginia na dua i.

PAMUNGKAAN 9:18

Anggo dakdanak ni si Noak na ruar sian kapal i, i ma si Sem, si Ham, si Jafet. (Si Ham i ma ama ni si Kanaan.)

PAMUNGKAAN 10:5

Halahi ma na gabe ompu ni angka bangso na maringanan di topi ni laut dohot di angka pulo-pulo. Pomparan ni si Jafet ma sudena i jana marsiingani tanona be do halahi marguru tu marga ni halahi. Jana adong be do hatana.

JEHESKIEL 38:5

Angka parajurit na sian Persia, Sudan dohot Libia do mangudurkon raja i, ganop be maroban podang dohot kupia baja.

PAMUNGKAAN 2:13

Batang aek na paduahon margoar Gihon; i ma na mamolus humaliang tano Kus.

PAMUNGKAAN 5:32

Dung marumur si Noak 500 taon adong ma tolu anaknia, i ma si Sem, si Ham dohot si Jafet.