PAMUNGKAAN 10:4 - BIBEL JAMITA NA DENGGAN

⁴ Pomparan ni si Jawan ma bangso Elisa, Spanyol, Siprus dohot Rodes.

PAMUNGKAAN 10:4 Referans Kwoze

DANIEL 11:30

harana ro ma angka kapal ni halak Kitim mangalo ia, gabe mago ma habaranionna. Dung i mulak ma ia mardongan hosom maradopkon Parjanjian Na Badia i jana angkon martindak do ia. Dung mulak ia parate-atehononnia ma halak na maninggalkon Parjanjian Na Badia i.

JESAYA 23:12

Didok Ia ma, “O kota Sidon! Madung marujung jop ni rohami. Madung tarsosak pangisimu. Haru pe mangungsi bage halahi tu Sidon, nada sonang halahi.” (

JESAYA 23:1

On ma alatan taringot tu Tirus: Mangandungi ma hamu, ale angka parlaut ni Tirus na mamolusi laut bidang jana na topet marlayar sian Siprus! Harana madung dironcohon Tirus, kota labuanmunu i; angka bagas dohot labuanmunu i madung gabe tinggal na sego.

BILANGAN 24:24

Sian Siprus giot ro ma tentara, Asur dohot Eber ditaluhonsa, tapi halahi pe nada tolapsa martahan.”

JEHESKIEL 27:25

Marbaris-baris do kapal maroban barang-barang boniagamu. Songon kapal do ho na sorat marmuat, kapal na mamolusi laut na sun bolak.

JEHESKIEL 27:12

Digadisi ho ma angka barang-barang boniagamu na marlobi-lobi i, jana gararna dijagiti ho ma perak, bosi, simbora na bontar dohot na lomlom.

PAMUNGKAAN 10:5

Halahi ma na gabe ompu ni angka bangso na maringanan di topi ni laut dohot di angka pulo-pulo. Pomparan ni si Jafet ma sudena i jana marsiingani tanona be do halahi marguru tu marga ni halahi. Jana adong be do hatana.

1 JUJUR TAON 1:7

Pomparan ni si Jawan i ma halak Elisa, Spanyol, Siprus dohot Rodes.

JEHESKIEL 27:6

Angka dayungmu dibaen halahi sian angka hayu na godang di Basan do i. Inganan ni juguhanmu dibaen sian tusam sian pulo Siprus do i asalna, na nipajagar dohot gading na arga.

JEHESKIEL 27:7

Layar na gabe tandamu sian abit linen na ditonun di Mesir, na disulam marrupa-rupa. Halus ma tutu abit ni angka tandamu, tonunan Siprus na rara ungu.