PAMUNGKAAN 10:22 - BIBEL JAMITA NA DENGGAN

²² Angka anak ni si Sem i ma si Elam, si Asur, si Arpaksad, si Lot dohot si Aram. Halahi ma ompu ni angka bangso na nigoaran mangihutkon goar ni halahi.

PAMUNGKAAN 10:22 Referans Kwoze

JESAYA 66:19

jana botoon ni halahi ma Au do na manguhumi halahi. Tapi adong do saotik sian halahi na giot paluaonKu. SuruonKu ma halahi mandapotkon angka bangso di luat angka na dao na so jungada dope umbege salaho tu Au sanga marnida hagodangan dohot kuasongKu: Tu Spanyol, Libia, tu Lidia mardongan angka parsior na malo, tu Tubal dohot Junani. Baritahonon ni halahi ma hagodanganKu di tonga-tonga ni angka bangso i.

BAENON NI ANGKA RASUL 2:9

Angka halak Partia do hita, halak Media, halak Elam; halak Mesopotamia; halak Judea; halak Kapadokia; halak Pontus dohot Asia,

JESAYA 22:6

Madung ro Elam marsinjatahon sior dohot pana, jana tentara ni Siria pe madung ro markudo dohot markareta, dohot tentara ni Kir mambuka parincena.

JESAYA 21:2

Madung dipatuduhon tu au taringot tu na jorbut na giot masa, halumbaan taringot tu hajahatan dohot hasesegona. Maju ma hamu parangan ni Elam, roro ma! O hamu parangan ni Madai, hobuk hamu ma angka kota i! Na giot paujungonKu noma sude pardangolan na nibaenan ni Babel.

JESAYA 11:11

Di ari i, sanoli nari giot pakeon ni Tuhan ma kuasoNia jana obanonma bangsoNia na teba i di Asur dohot Mesir, di angka luat ni Patros, Sudan dohot Elam, di Babel, Hamat dohot di angka pulo na di laut.

JOB 1:17

Inda sidung dope ia mangkobari, ro ma hatoban na patoluhon paboahon, “Tolu rombongan pasukan ni halak Kasdim ro mangarampas angka unto ni tuan i jana dibunu do angka hatoban ni tuan i. Hum sasada au ma i na malua anso adong na paboahon barita tu tuan i.”

2 RAJA-RAJA 15:19

Dompak ro si Pul raja ni Asur mamorangi Israel, dilehen si Menahem ma tusia 34.000 kilo perak anso diurupi ia pahotkon kuaso ni si Menahem di Israel.

BILANGAN 23:7

Dung i didok si Bileam ma panurirangonna i songon on, “Sian Aram, sian dolok-dolok di Habincaran an, si Balak, raja ni Moab marpio au mandok, ‘Ro ma ho burai ma si Jakob, jana ro ma ho burai ma Israel!’

PAMUNGKAAN 9:26

Pinuji ma Tuhan, Debata ni si Sem! Gabe hatoban ni si Sem noma si Kanaan.

LUKAS 3:36

anak ni si Kenan, anak ni si Arpaksad, anak ni si Sem, anak ni si Noak, anak ni si Lamekh,

PAMUNGKAAN 10:21

Si Sem, angkang ni si Jafet ma ompu ni sude bangso Ibrani.

PAMUNGKAAN 11:10

On ma pomparan ni si Sem. Dua taon dung salpu aek na oto, di na marumur si Sem 100 taon, adong ma anaknia na margoar si Arpaksad.

BILANGAN 24:22

Tapi hamu halak Keni angkon disegohon. Hatiha ro halak Asur maroban hamu songon tahanan.”

JEHESKIEL 32:24

Disi do Elam dohot sude rayat na bahat di humaliangna: Mate tarbunu do halahi sude, mate hara ni podang, i ma angka na so marsunat manuat tu banua toru, na mambaen sihabiaran di tano ni halakna mangolu. Rap manaon dosana be do halahi dohot angka halak na manuat tu tanoman.

DANIEL 8:2

Di bagasan parnidaan i di propinsi Elam do au, di Susan, kota sabungan ni Persia. Jongjong au di lambung ni Batang aek Ulai,