PAMUNGKAAN 10:14 - BIBEL JAMITA NA DENGGAN

¹⁴ Petrusim, Kaslukhim, dohot Kaftorim. Angka i ma ompu ni bangso Pilistin.

PAMUNGKAAN 10:14 Referans Kwoze

JEREMIA 47:4

Madung dapot hatihana patimpason bangso Pilistin sudena, lopus nada dapotan pangurupion be Tirus dohot Sidon. AbiskononKu ma sude halak Pilistin sian Kreta. Au Tuhan na mambaensa.

AMOS 9:7

Didok Tuhan ma, “Ale halak Israel, Huparrohahon do halak Etiopia laing songon Huparrohahon hamu. Huoban do halak Pilistin sian Kreta dohot halak Siria sian Kir laing songon parobanKu di hamu sian Mesir.

1 JUJUR TAON 1:12

Patrusim, Kasluhim dohot Kreta (pomparan ni halahi ma halak Pilistin.)

PANGARATAION 2:23

Anggo tano na di topi ni Laut Tonga na dung dibuat ni angka halak na sian pulo Kreta do i. Madung diabisi halahi halak Awi, na mangingani tano i humani, lalu diingani halahi ma luat i lopus tu Selatan marbalok di kota Gasa.)

JEREMIA 44:1

Mangkuling ma Tuhan tu au taringot tu sude halak Israel na maringanan di Mesir, i ma na di kota Migdol, Tahpenhas, Memphis dohot di tano Patros.

JESAYA 11:11

Di ari i, sanoli nari giot pakeon ni Tuhan ma kuasoNia jana obanonma bangsoNia na teba i di Asur dohot Mesir, di angka luat ni Patros, Sudan dohot Elam, di Babel, Hamat dohot di angka pulo na di laut.