PAMUNGKAAN 1:27 - BIBEL JAMITA NA DENGGAN

²⁷ Songon i ma panompa ni Debata di jolma, jana dibaen Ia ma halahi suman tuSia sandiri. Halaklahi dohot dadaboru halahi dijadihon Debata.

PAMUNGKAAN 1:27 Referans Kwoze

MATEUS 19:4

Dialusi Jesus ma, “Na so disise hamu dehe, anggo di mulana i halaklahi dohot dadaboru do halahi ditompa Ia?

EPESUS 2:10

Na nitompa ni Debata do hita on, jana markite-hite Jesus Kristus dipauli Debata hita anso tabaen angka pangalaho na denggan na nipasingkopNia humani di hita.

MARKUS 10:6

“Tapi anggo di mulana di na manompa jolma Debata didok do, ‘Halaklahi dohot dadaboru do halahi dibaen Debata.

EPESUS 4:24

Sugari nian angkon marbako na imbaru ma ngolumunu na nitompa mangihutkon rupa ni Debata; i ma bako na sintong, na tigor dohot na badia.

MASMUR 139:14

Hupuji ma Ho, angke hahomangan situtu do na dibaenMu tu au, sude pambaenanMu hahomangan do jana patut gabe halongangan,

JESAYA 43:7

Angke bangsongKu do halahi na nipanggoarkon tu goarKu, Hutompa halahi laho pasangapkon Au, na Hubaen jana na Hujadihon!”

KOLOSSE 1:15

Ia do gambaran ni Debata na so tarida, siangkaan ni sude na nitompa i.

MALEAKI 2:15

Nada he na dung dibaen Debata hamu sapamatang dohot satondi dohot dadaboru i? Ahe dehe maksud ni Tuhan disi? Nada asing sian sada maksud, i ma anso maruli dakdanak hamu na tutu situtu bangso ni Debata. Jadi, tangkas parrohahon hamu; ulang jabat adong sian hamu na manguba janji sian dadaboruna.

PAMUNGKAAN 2:18

Dung i didok Tuhan Debata ma muse, “Nada denggan punjung jolma i mangolu. BaenonKu ma donganna na tumbuk mangurupisa.”

KOLOSSE 1:26

i ma jamita na nirahasiahon ni Debata tu sude jolma marribu taon honokna, hape saonnari dijamitahon do i tu angka halakNia na badia.

KOLOSSE 3:10

Madung dipapakehon tu hamu ngolu na imbaru, na laing torus dipaimbaru anso dapotan parbinotoan na sintong mangihutkon rupa ni Panompania.

PAMUNGKAAN 9:6

Songon Debata do jolma i ditompa, jadi hara ni i sanga ise na mambuat hosa ni jolma, bunuon ni jolma muse ma ia.

PANGARATAION 4:32

Tangkasi hamu ma hatiha na dung salpu, dao taran so sorang dope hamu, mamungka sian ari di na nitompa ni Debata jolma di tano on. Jalahi hamu ma di sandok portibi on. Unjung dehe tarjadi pangalaho na songon on godangna di jolo ni on? Adong dehe halak na jungada umbege taringot tu na masa sisongon on?

PARJAMITA 7:29

Hum on ma na dapot au: Nada marlobian jana songon somalna do hita dijadihon Debata. Tapi hita saonnari do na mambaen hita rundut jana maralit-alit.

PAMUNGKAAN 2:7

Dung i dibuat Tuhan Debata ma saotik tano i, jana dibaen Ia ma sada jolma sian tano i; jadi diombuskon Ia ma hosa hangoluan tu lubang ni igung ni jolma i, gabe mangolu ma jolma i.

HAKIM-HAKIM 21:22

Muda ro amangna sanga ibotona manuntut, bolas do dokkononmunu, ‘Padiar hamu ma da halahi di hami. Nada na hami rampas di parporangan halahi. Jana dibaen nada dilehen hamu di hami halahi, nada na mangalanggar janji hamu, jadi nada sala hamu.’ ”

JEREMIA 29:6

Mambuat boru ma hamu, anso adong dakdanakmunu, jana angka dakdanakmunu pe padiar hamu ma marripe be anso adong muse dakdanak ni halahi. Angkon martamba do bilanganmunu, jana nada tola mur murak.