PAMUNGKAAN 1:24 - BIBEL JAMITA NA DENGGAN

²⁴ Dung i mangkuling ma Debata, “Diparruarkon tano ma ragam ni angka binatang, i ma binatang na jinak dohot na riar, na godang dohot na menek,” gabe tarjadi ma songon i.

PAMUNGKAAN 1:24 Referans Kwoze

JOB 40:15

Pamanat ma jolo Behemot, kudo Nil raksasa i; laing songon ho, i pe na Hutompa do da i. Angka ruput do sipanganonna, songon lombu na biasa.

PAMUNGKAAN 8:19

Ruar ma sude binatang dohot unggas sian kapal i marsidongani horongna be.

MASMUR 148:10

ale angka binatang na jinak dohot na riar, binatang na manjirir dohot angka unggas!

JOB 39:5

Ise dehe na paluahon halode riar di harangan? Ise mangharhari talina lalu padiarkonsa marriaran?

PAMUNGKAAN 7:14

Laing masuk muse ma rap dohot halahi sude ragam ni binatang na jinak sanga na riar pe, na menek dohot na godang bope sude ragam ni unggas.

MASMUR 104:23

Jadi haruar ma jolma laho markarejoi, jana torus marpadot lopus potang ari.

MASMUR 104:18

Angka dolok na gincat gabe inganan ni bedu; rigang ni batu i partabunian ni angka landuk.

JOB 39:19

O Job, ho dehe na mangalehen gogo tu kudo dohot jambulan na mebang-ebang di tangkuhukna?

JOB 39:9

Ra ma he lakna lombu riar markarejo tu ho? Ra ma he i marborngin di bagasan bara na di ho?

JOB 39:1

Diboto ho dehe sanga na andigan bedu ditompa? Jungada do dipamanat ho ursa harangan di na manubuhon anakna?

PAMUNGKAAN 1:23

Salpu ma borngin jana torang ma ari – i ma ari palimahon.

PAMUNGKAAN 2:19

Jadi dibuat Ia ma tano jana ditompa Ia ma sude binatang na di darat dohot unggas na di awang-awang. Dung i dipasahat Ia ma i sudena tu jolma i anso diidasa sanga songon dia baenonna manggoari binatang-binatang i dohot angka unggas i. I ma mulana gabe margoar be angka binatang dohot angka unggas i.