PAMUNGKAAN 1:22 - BIBEL JAMITA NA DENGGAN

²² Dipasupasu Debata ma i sudena jana diparentahon Ia ma tu sude na mangolu di bagasan aek anso mamopari laho manggohi laut, jana tu angka unggas anso mur martamba bahat.

PAMUNGKAAN 1:22 Referans Kwoze

PAMUNGKAAN 8:17

Paruar ma sude unggas dohot binatang i, anso tarbaen halahi mamopari jana mamarpar di sude tano on.”

MASMUR 107:38

Dibasa-basahon Tuhan di halahi bahat anak, jana pahan-pahanan ni halahi pe sai mamopari.

JOB 40:15

Pamanat ma jolo Behemot, kudo Nil raksasa i; laing songon ho, i pe na Hutompa do da i. Angka ruput do sipanganonna, songon lombu na biasa.

PAMUNGKAAN 1:28

Dipasupasu Debata ma halahi, didok Ia ma, “Gabe ma hamu maranak marpahompu, lopus sude sisik ni tano on diingani jana dirajai pomparanmu. Hupasahat ma tu hamu mangurus angka ihan, unggas dohot sude binatang riar.

JOB 42:12

Dipasupasu Tuhan ma si Job, maradu marlobi-lobi di angka ngolunia na tinggal i, lumobi sian dompak so masa sitaononnia i. Adong do opat bolas ribu bahatna hambeng biri-biri ni si Job, onom ribu untonia, dua ribu lombu dohot saribu halode.

PAMUNGKAAN 9:1

Dipasupasu Debata ma si Noak dohot angka dakdanaknia i jana didok Ia ma, “Maranak marpahompu ma hamu, anso diingani pomparanmunu tano on sude.

PODA 10:22

Hara ni pasupasu ni Tuhan do jolma gabe makayo, marloja-loja markarejo nada patamba harto.

MASMUR 128:3

Dadaborumu tudos dohot bona ni anggur na ramos di bagasan bagasna. Angka dakdanakna songon tunas ni hayu zetun humaliang mejamu.

MASMUR 107:31

Patut ma da antong halahi mandok tarimakasi, dibaen tongtong halahi dihaholongi Tuhan, dibaen Ia do di halahi angka hahomangan.

HAMALIMON 26:9

Hupasupasu pe hamu jana Hulehen bahat pomparanmunu. Sude na dung Hujanjihon tu hamu, angkon patulusonKu.

PAMUNGKAAN 35:11

Jadi didok Debata ma tusia, “Au do Debata Na Gumogo. Sai gabe ma ho, marpomparan na bahat! Ruar ma sian ho angka bangso jana gabe ompung ni angka raja-raja ma ho.

PAMUNGKAAN 30:30

Dompak so ro au tuson, nada sadia dope sinadonganmu, hape saonnari madung sonang sajo, jana madung dipasupasu Tuhan ho hara ni au, hape andigan dope hatihana laho manyarihon na di au?”

PAMUNGKAAN 30:27

Didok si Laban ma tusia, “Tangihon ma jolo hatangkon: Madung dipaboa sada halak partondung tu au, na dipasupasu ni Tuhan au hara ni ho.

PAMUNGKAAN 1:21

Songon i ma ditompa Debata angka binatang na godang-godang di laut, dohot sude ragam ni na mangolu di bagasan aek, bope sude ragam ni unggas. Jana denggan ma sudena i diida Debata.

PAMUNGKAAN 1:23

Salpu ma borngin jana torang ma ari – i ma ari palimahon.