PAMUNGKAAN 1:2 - BIBEL JAMITA NA DENGGAN

² Nada marrumang dope sudena i jana mamolngit do pangalahona. Laut bidang na margalumbang na mangalingkup sasudena boti golap bulita, jana manggulot ma Tondi Ni Debata di ginjang ni aek i.

PAMUNGKAAN 1:2 Referans Kwoze

JEREMIA 4:23

Manaili ma au adop tano, rumar jana harsang idaon. Mandorgak au adop langit an, nada adong na marsinondang.

MASMUR 104:30

Tapi muda disuru Ho tondiMu, hona tompa ma halahi dilehen Ho ngolu na imbaru tu portibi on.

JESAYA 45:18

Angke songon on do didok Tuhan, na manompa langit, – Ia do Debata –. Ditompa jana digana Ia tano on tohong dibaen Ia jana hot jongjong; ditompa Ia i nada anso ulang marisi, tapi baen inganan ni jolma do i; “Au do Tuhan, jana nada adong na asing.

MASMUR 33:6

Dilehen Tuhan ma parenta, gabe adong ma langit, mataniari, bulan dohot bintang dijadihon hataNia.

JOB 26:7

Dipahembang Debata do langit na di Utara, jana digantungkon Ia do portibi di inganan na soada.

JOB 26:14

Tapi tanda ni kuasoNia ma i sudena; hum sora na lingo-lingoon do na lalu tu parbinegeanta. Na otik ma da na haastuan hita satontang tu Debata maradu hagodanganNia!”

NAHUM 2:10

Gariang, hagariangon dohot parkancitan! Hancit ate-ate hara ni jorbutna. Humitir totna hara ni galena. Bohi i langan hara ni biarna.

2 KORINTUS 4:6

Debata do mandok, “Bincar ma na torang sian na golap.” Laing Debata na sada i muse do na pabincarkon sinondang i di bagasan rohanta, anso gabe torang rohanta laho mangastui hamuliaon ni Debata na marsinondang di bohi ni Jesus.

PANGARATAION 32:11

Songon halihi na mangajar anakna habang, ditarehon habongna anso ulang madabu. Songon i do Tuhan manjagahon Israel, anso ulang madabu.

JOB 38:9

Au ma da i na manggupgupi laut dohot ombun jana hagolapan ma manutup.

MASMUR 104:6

Dung i ditutupi Ho ma i dohot lautan, aekna i mambaen liput puncut ni angka dolok.

MASMUR 136:6

Dipahembang Ia tano on di ginjang ni aek, hot do holong ni rohaNia sapanjangna.

MASMUR 148:7

Puji ma Tuhan, o tano on dohot sude isina, o hamu angka naga laut dohot laut sinabidang;

PODA 8:24

Sorang au taran so adong dope laut, dompak so adong dope mata ni aek.

JESAYA 31:5

Songon unggas na manggurapar di ginjang ni asarna laho mangondihon angka anakna, laing songon i ma Au, Tuhan Na Markuaso mangondihon dohot mambela Jerusalem.”

JOB 41:32

Indege ni patnia martadingan marsinondang, diuba ia laut gabe gubo na mamontar.