OBAJA 1:21 - BIBEL JAMITA NA DENGGAN

²¹ Porangan ni halahi ma rap dohot halak Jerusalem na asing i halak Edom jana taluhononna. Jadi Au Tuhan, mamarenta noma gabe raja.”

OBAJA 1:21 Referans Kwoze

HALUMBAAN 11:15

Dung i diombus surusuruan papituhon i ma sarunenia, gabe adong ma sora na gogo situtu di banua ginjang na marsurahi mandok, “Anggo kuaso laho mamarenta portibi on saonnari madung di bagasan tangan ni Tuhanta dohot Kristus na nijanjihon i. Mamarenta noma Ia salolot-lolotna!”

JAKOBUS 5:20

boto hamu ma on: Sanga ise na manogu halak pardosa marbalik sian dalanna na sala i, na nipaluania do halakna i sian hamatean jana ditutupi ia ma bahat dosa.

ZAKARIA 14:9

Jadi mamarenta ma Tuhan gabe raja di sandok portibi on; sombaon ni ganop jolma ma Ia songon Debatana jana tandaon ni halahi ma Ia di bagasan goar na sarupa.

DANIEL 7:27

Lehenon noma tu bangso ni Debata Na Gumincat i kuaso dohot hagodangan ni sude harajaan na di tano on. Nada marujung be kuaso ni halahi laho mamarenta jana sandok parkuaso na di tano on unduk noma tu halahi di bagasan haburjuon.

1 TIMOTEUS 4:16

Jagohon ma dirimu jana jagohon muse ma dohot pangajaranmu. Burju ma ho patuluskon i sudena, angke muda songon i, dipalua ho do dirimu sandiri bope angka halak na manangihon ho.

MASMUR 22:28

Angke Tuhan do raja na markuaso, Ia do mamarenta angka bangso.

LUKAS 22:30

Tola ma hamu rap dohot Au marsonang-sonang di HarajaanKi. Jana juguhanmunu ma dua bolas habangsa laho manguhumi halak Israel sidua bolas marga i.”

DANIEL 2:44

Di hatiha ni angka raja-raja i mamarenta, giot pajongjongon ni Debata na di banua ginjang i ma sada harajaan na manongtong sapanjangna jana na so tartaluhon bangso dia pe. Roncohonon ni harajaan na sada i ma sandok harajaan na asing i tapi harajaan na sada i, manongtong do ro di salolot ni lolotna.

JESAYA 19:20

Langgatan dohot tiang i ma songon tanda ni na ro Tuhan Na Markuaso i di Mesir. Muda hona sosak bangso i, gabe pio-pio halahi mangido tolong tu Tuhan, suruhononNia ma sada halak na paluahon halahi.

HAKIM-HAKIM 2:16

Dung i dilehen Tuhan ma di halahi angka pamimpin na marjuang laho paluahon halahi sian garombolan panyamun i.

HALUMBAAN 20:4

Dung i huida ma angka habangsa dohot angka halak na juguk di habangsa i; dilehen ma kuaso tu halahi laho mandabu uhuman. Huida muse dope angka tondi ni halak na hona ponggol uluna hara ni hasaksian taringot tu Jesus dohot hara ni hata ni Debata. Halak on ma na so jungada ra manyomba binatang i bope patungna i. Tanda ni binatang i pe nada jungada dijagit halahi di bohi sanga pe di tangan ni halahi. Gabe mangolu ma halahi mangulahi jana mamarenta ma halahi songon raja rap dohot Kristus di na saribu taon i.

HALUMBAAN 19:6

Dung i hubege do songon sora ni jolma na bahat situtu; songon sora ni aek na godang dohot songon sora ni ronggur na gogo na mandok, “Haleluya! Harana Tuhan Debatanta Parkuaso Na Sumurung i madung gabe Raja.

MATEUS 6:13

jana ulang pamasuk hami tu bagasan pandugaan, tapi palua ma hami sian pangago i.’ [Ho do Raja na markuaso jana na marsangap salolot-lolotna.]

MATEUS 6:10

ro ma HarajaanMu tulus ma rohaMu di tano on, songon di banua ginjang.

JOEL 2:32

Anggo di hatiha i, dapotan haluaan ma sanga ise na mangido pangurupi ni Tuhan i. Harana di Dolok Sion dohot di Jerusalem giot adong ma haluaan songon na nidok ni Tuhan; sude halak na mamiohon goar ni Tuhan, i do na giot dipalua.”

DANIEL 12:3

Marsinondang be ma songon sinondang ni langit angka pamimpin na marbisuk i. Jana halahi na dung mangajari halak na bahat laho mambaen sanga aha na denggan dohot na tigor, marsinondang ma halahi songon angka bintang i salolot-lolotna.”

DANIEL 7:14

Dilehen do tusia hasangapan dohot kuaso songon raja, jadi unduk ma tusia angka jolma sian sandok bangso, marga ni bangso dohot hata na marragam-ragam. Manongtong do kuasonia i salolot-lolotna, nada dirampas be sian ia harajaan.

DANIEL 2:35

jana maropuk ma bosi, tano liat, tumbaga, perak dohot sere i songon abu di pardegean ni gandum taran di logo ni ari. Marhabangan ma abu na i diombus angin, lopus nada adong be partinggalna. Tapi anggo batu na godang na mangunggalkon patung i gabe sagodang ni dolok jana gabe digohi ma tano on.

MASMUR 102:15

Dihabiari angka bangso noma Tuhan, sandok raja manghabiari kuasoNia,

2 RAJA-RAJA 13:5

Jadi dilehen Tuhan ma sahalak pamimpin di halak Israel na paluahon halahi sian gomgoman ni Siria, lopus marsonang-sonang halahi mangulahi mangolu songon di mulana.

HAKIM-HAKIM 3:9

Dung i pio-pio ma halak Israel mangido tolong tu Tuhan, gabe dilehen Tuhan ma si Otniel laho paluahon halahi. (Anak ni si Kenas, anggi ni si Kaleb do si Otniel.)

NEHEMIA 9:27

Jadi gabe dipasahat Ho ma halahi tu musuna. Na mangarajai dohot mamisat halahi dohot hakejamonna. Tapi di na nidondonan ni hasusaan i, pio-pio ma halahi tu Ho mangido pangurupi. Sian banua ginjang Ho manangihonsa; mardongan holong ni roha na gok dilehen Ho alusna. Ditongos Ho pamimpin dohot na barani, na paluahon halahi sian na mamusui.

MASMUR 47:7

Raja do Debata di sandok portibi, mardongan angka ende ma Ia tapuji!

MASMUR 67:4

Angke marhite hatigoran do Ho manguhumi, jana ditogu Ho do sandok bangso di portibi on.

PAMUNGKAAN 25:23

Didok Tuhan ma tusia, “Adong dua bangso di bagasan bortianmu; tubuhononmu ma dua bangso na marsialoan; gumogo do sianggian i sian angkangna oloan ni siangkaan i ma siampulan i.”

MASMUR 22:29

Sude halak na jungkat marsomba ma tuSia, sandok bangso ni jolma mangunduk ma tuSia.

JESAYA 24:23

Manggolap ma bulan i jana mataniari nada be marsinondang, angke mamarenta noma Tuhan Na Markuaso i songon sada raja. Mamarenta ma Ia di Jerusalem, di ginjang ni Dolok Sion, jana idaon ni angka pamimpin ni bangso ma hamuliaonNia.

MIKA 4:7

Damos halahi dionyakkon jana dao sian huta hagodangan. Tapi sian angka jolma na teba i, giot pungkaonKu ma sada sundut na imbaru. Gabe bangso na godang ma halahi boti na gogo. Au do na mamarenta halahi di Dolok Sion salolot-lolotna.”