OBAJA 1:12 - BIBEL JAMITA NA DENGGAN

¹² Nada patut sonang ho nian marnida sitaonon ni angka pomparan ni halak Juda i jana marjop ni roha ho di ari hamamagonai. Nada patut ho antong martata taran susa ia.

OBAJA 1:12 Referans Kwoze

MIKA 4:11

Madung marlagut bahat bangso laho mamorangi ho, ale Jerusalem! Pandok ni halahi, “Angkon roncohonon do Jerusalem! Idaonnami ma kota i gabe timbunan ni angka batu!”

JEHESKIEL 35:15

Laing songon sonang ni rohamunu taran diida hamu Israel artangKi gabe mangalungun. Angka Dolok Seir, lalu sude tehe tano Edom, mamolngit noma i. Jadi gabe botoon ni sude jolma ma Au do Tuhan.’ ”

PODA 17:5

Sanga ise na manyosak halak na pogos, pabilehon Debata na manompasa. Sanga ise na marmoga-moga hara ni halak na malang bagian, pasti dapot uhuman.

1 SAMUEL 2:3

Antak ma hata-hatamu na rumar i, paujung ma burasmu na teal i! Angke Debata Na Sun Mamboto do Tuhan na manguji sude pambaenan ni jolma.

2 PETRUS 2:18

Sian angka pangkobarion ni halahi na mardongan lancap jana na rumar i dipake halahi ma hagiot na jat laho mangaronjomkon halak sanga ise na baru malua sian angka na mardalan dihaliluon di ngoluna.

JUDAS 1:16

Hum na mungut-ungut do halahi dohot na manyolsoli hara ni bagianna, na mardalan mangihutkon giot-giot ni sibukna mambaen dosa. Na pujian halahi di diri ni halahi, jana dipanggar-panggar halahi ma halak anso dapotan untung halahi.

MASMUR 37:13

Hape dipartatai Tuhan do parjahat i, diboto Ia do na dung donok hamamago ni halahi.

MASMUR 31:18

Sumpol ma pamangan ni angka pargabus na manyombong pacia-ciahon halak na bulus.

MASMUR 22:17

Ma pola haidaan sude holi-holingku, songon sitontonan au diida musu.

JOB 31:29

Na so jungada do au marjop ni roha hara ni musungku na sumusa; sanga marmoga-moga iba hara ni na marmara ia.

HALUMBAAN 13:5

Dipatola do binatang i pajojorkon angka ginjang ni rohana dohot pangincahion. Dipatola do ia mamarenta opat pulu dua bulan honokna.

JAKOBUS 3:5

Laing songon i ma dilanta i; haru pe menek sajo dilanta i, hape tarbaen ia do manggodang diri taringot tu angka pangalaho na godang. Ligi hamu ma, salang harangan godang tarsurbu do i hara ni api na menek.

LUKAS 19:41

Dung mur donok Jesus tu Jerusalem, diligi Ia ma kota i, tangis ma Ia marnidasa.

ANDUNG 4:21

Ale bangso Edom dohot Us martata be ma hamu, salolot habolasan, marmoga-moga ma hamu! Tu ho pe giot ro muse do parmaraan; lenong ma hamu marbuka pakean.

JESAYA 37:24

Ditongos ho ma suruanmu mamburas, na dung nitaluhonmu marhite sude kareta porangmi angka dolok pargincat na di Libanon. Manggodang ma ho mandok na dung ditaba ho angka bona ni sampinur na gumincat dohot na jumegesna disi, jana dibolusi ho angka harangan godang na tumobangna i.

MASMUR 92:11

Madung huida musungku ditaluhon, madung hubege angguk ni angka halak na jahat.

MASMUR 59:10

Dihaholongi jana didapotkon Debatangku do au, dipaloas Debatangku do au marnida hataluan ni musungku.

MASMUR 54:7

Dipalua Ho do au sian sasude hamaolon, huida do musungku ditaluhon.

JOB 18:20

Umbege bagianna tarsonggot do halak Parhasundutan, songon i Parhabincaran gabe humitir hara ni biarna.

MASMUR 35:15

Hape di na marsak au, jop do roha ni halahi, jana marrongom tu au mangincak-incahi. Halak na so hutanda mambalbali au, nada marnamantak.

ANDUNG 2:16

Margoyak ni roha sude musumu mangida bohimi, dipartatai halahi do ho jana disurahi. Didok halahi, “Ma pola hami luntak kota i! Ujungna dapot ma hatiha na hami painte i!”

JEHESKIEL 35:12

Gabe botoonmunu ma na dung Hubege, Au Tuhan mambege pangincahimu di na nidokmunu: Madung gabe mamolngit angka dolok ni Israel jana dipasahat baen soroanta.

JEHESKIEL 36:5

hara ni i songon on ma didok Tuhan Debata: Di bagasan piar-piar ni murukKu do Au mangalo angka bangso, jana mangalo sude halak Edom, na manontuhon tanongKu gabe nampunania di bagasan jop ni roha dohot incak-incak, ujungna nampunania noma tanongKu jana abis dirampas.