OBAJA 1:11 - BIBEL JAMITA NA DENGGAN

¹¹ Jongjong ho di na dao, di ari pangarorak ni musu di pintu ni Jerusalem laho manaluhon kota i. Hohom sajo do ho di na nioban ni halahi sude sinadongan ni Jerusalem jana dibagi-bagi sudena i di halahi. Sarupa do jahatmu dohot musu i.

OBAJA 1:11 Referans Kwoze

MASMUR 137:7

Ale Tuhan, ingot ma pambaenan ni halak Edom, dompak na ro halahi manaban Jerusalem. Sai marpupu didok halahi, “Unggalkon ma lalu tu ojahanna i!”

NAHUM 3:10

Haru songon i pe, laing dioban do Tebe tu habuangan. Di sude sirpang ni dalan dibalbali do angka anakna lopus marmatean. Angka halak na godang na disi, ditambat dohot rante jana dibagi-bagi angka na manangkup i.

JOEL 3:3

Marundi ma halahi laho manontuhon sanga ise na patut dapotan angka na tartangkup. Digadis halahi do angka bujing-bujing dohot doli-doli baenon gabe hatoban. Jana dipake halahi ma hepengna i tu dadaboru panggampang dohot minum anggur.

MASMUR 50:18

Dipardongan ho do ganop panangko na niidamu, angka halak pangalangkup dibaen ho do gabe donganmu.”

2 RAJA-RAJA 25:11

Dung i dioban si Nebusaradan muse ma tu Babel angka jolma na tinggal di Jerusalem, i ma teba-teba ni halak na malo dohot angka halak na dung marbalik tu pihak ni Babel.

MASMUR 83:5

Madung tutu satahi angka bangso, jana marpokat mangalo Ho.

MASMUR 83:6

Bangso Edom dohot Ismael angka Moab dohot Hagar.

JEHESKIEL 35:10

Anggo pandokmunu, hakmunu ma Juda bope Israel dohot tanona i, jana hamu ma torus nampunasa haru pe Au do Tuhan, Debata ni halahi.

AMOS 1:6

Didok Tuhan ma, “Marpupu do mardosa halak Gasa, hara ni i angkon hona uhum halahi baenonKu. Dioban halahi do himpal sada bangso, jana digadis halahi ma i gabe hatoban tu halak Edom.

AMOS 1:9

Didok Tuhan, “Marpupu do mardosa halak Tirus, hara ni i angkon hona uhum halahi Hubaen. Dioban halahi do himpal sada bangso tu habuangan, jana dipasahat halahi tu Edom; dilanggar halahi do parjanjian parale-aleon.

ZEPANYA 2:10

Songon i ma panguhumna baenon tu halak Moab dohot Amon hara ni haginjangon ni roha dohot bulbul ni halahi, boti muse hara ni layasna roha ni halahi mida bangso ni Tuhan Na Markuaso i.