OBAJA 1:10 - BIBEL JAMITA NA DENGGAN

¹⁰ “Jahat do pambaenmu maradopkon angka kahanggimu pomparan ni si Jakob. Jadi hara ni i, roncohonon noma ho, jana ho pe abiskonon noma ro di salolot ni lolotna.

OBAJA 1:10 Referans Kwoze

AMOS 1:11

Didok Tuhan, “Marpupu do mardosa halak Edom, hara ni i angkon hona uhum halahi baenonKu. Nada pakeonKu ibo ni roha, madung diporangi halahi halak Israel, angka kahanggi ni halahi i. Manigor muruk do halahi jana tongtong marhosom.

JEHESKIEL 35:9

BaenonKu ma tanomi gabe tombak longo-longo sapanjangna jana nada be inganan ni jolma angka kotami. Gabe botoonmunu ma Au do Tuhan.

MASMUR 89:45

Dipapendek Ho hatiha ni haposoonnia, jana di gupgupi Ho ia dohot hailaan.

PAMUNGKAAN 27:41

Gabe goyak ma roha ni si Esau mida si Jakob harani na nilehen ni amangnia i pasupasuna tu angginia i. Ning ia ma di bagasan rohania, “Nada pola sadia honok nari marujung ma ngolu ni damang on jana marsiluluton ma hami. Dung salpu i, hubunu ma si Jakob.”

MASMUR 137:7

Ale Tuhan, ingot ma pambaenan ni halak Edom, dompak na ro halahi manaban Jerusalem. Sai marpupu didok halahi, “Unggalkon ma lalu tu ojahanna i!”

MIKA 7:10

Ligion ni musungku ma i gabe maila ma ia jana ditutupi bohina, ia do na mandok tu au, “Di dia do Tuhan Debatamu?” Tapi anggo saonnari idaon ni halahi ma sanga na bia baenon ni Tuhan maradopkon au, jana maila ma halahi. Ligionku ma ia di dege-dege songon bustak di dalan.

JOEL 3:19

Anggo Mesir gabe halongonan na harsang, jana Edom gabe tano na harsang na so hainganan jolma. Angke diporangi halahi do tano Juda, jana dibunu halak na disi do na so marsala.

JEHESKIEL 7:18

Marabit goni ma halahi jana humitir ma sude pamatangna i. Cukuron ma ulu ni halahi jana pailaon halahi.

ANDUNG 4:21

Ale bangso Edom dohot Us martata be ma hamu, salolot habolasan, marmoga-moga ma hamu! Tu ho pe giot ro muse do parmaraan; lenong ma hamu marbuka pakean.

JEREMIA 51:51

Didok hamu do, ‘Dilayasi do hami jana dipaila, nada marbohi hara ni na nijuguhan ni angka halak sileban inganan na badia di bagasan Bagas Ni Tuhan.’

JEREMIA 49:13

Husumpahon mangasahon goarKu sandiri, anggo kota Bosra gabe inganan na jorbut noma i na nitadingkon ni halak. Partataan ni halak ma i jana baenonna goarna i gabe bura. Sude angka huta na menek na humaliang i gabe tinggal sego-segona noma i sapanjangna. Au Tuhan, madung mandok songon i.”

JEREMIA 3:25

Jadi padiar ma maila hami jana padiar ma marlayas hami. Angke madung mardosa hami dohot ompunami maradopkon Tuhan Debatanami, jana nada jungada hami oloi angka parentaNia.”

MASMUR 132:18

Sai na marhasonangan do harajaanna, tapi anggo musuna sai marhahaila.”

MASMUR 109:29

Padiar ma angka musungku dilingkup habilean, jana hahaila manggupgupi halahi songon bulusan.

MASMUR 69:7

Angke hara ni Ho do umbaen na ni palayas au, hara ni Ho do hona incak au.

PAMUNGKAAN 27:11

Tapi didok si Jakob ma tu inangnia i, “O inang, marimbulu do da pamatang ni si Esau, hape pamatangku limus do?

PANGARATAION 23:7

Ulang pabile hamu halak Edom, dibaen kahanggimunu do halahi. Jana ulang muse layas rohamunu mida halak Mesir, dibaen jungada do hamu maringanan di tano ni halahi.

PODA 10:6

Maruli pasupasu do halak na denggan. Martabuni do hakejamon di balik ni hata ni halak na jahat.

PANGARATAION 23:8

Mamungka sian sundut patoluhon dohot sundut na mangihut sian pomparan ni halahi tola do gabe anggota ni bangso ni Tuhan.”

PODA 17:5

Sanga ise na manyosak halak na pogos, pabilehon Debata na manompasa. Sanga ise na marmoga-moga hara ni halak na malang bagian, pasti dapot uhuman.

JEREMIA 12:14

Didok Tuhan ma, “On ma tonangKu taringot tu harajaan hombar balok ni Israel na dung manyegohon tano na Hulehen tu bangsongKu Israel. Songon suan-suanan na niumpat sian tano, laing songon i ma angka jolma na jahat i giot paruaronKu sian angka luat ni halahi, jana paluaonKu ma Juda sian tangan ni halahi.

ANDUNG 4:22

Madung didalani Sion uhumanna hara ni angka dosa na nibaenna; saonnari nada be hami padiaron ni Tuhan jana nada be obanonNa tu bagasan habuangan. Tapi anggo ho ale Edom, uhuman ni Tuhan noma ho. Ungkapon noma angka dosamu.