NEHEMIA 9:13 - BIBEL JAMITA NA DENGGAN

¹³ Mijur Ho sian langit di Dolok Sinai na badia, lalu mangkobari Ho dohot bangsoMu sandiri. Dilehen Ho uhum, aturan dohot sipaingot na tigor, na denggan dohot na bonar boti marguna.

NEHEMIA 9:13 Referans Kwoze

MASMUR 119:160

Tutu do sude hataMi, hot do salolot-lolotna parentaMu na tigor i.

HARURUAR 20:1

Dung i didok Debata ma songon on,

HARURUAR 19:11

Haduan, angkon hobas ma halahi sude. Di ari i ma Au mijur di ginjang ni Dolok Sinai, anso disi tarbaen halahi sude marnida Au.

SURAT NI SI PAULUS TU PARLAGUTAN ROM 7:16

Antong, muda hukarejohon do na maralo tu hagiotku, i ma tandana na huoku paboa na denggan do angka Tona i.

HABAKUK 3:3

Ro do Debata sian Luat Teman, jana Na Sun Badia sian Dolok Paran. Ditutupi hamuliaonMu do langit; tano on gok puji-pujian di goarMu.

JESAYA 64:3

Di sada hatiha, baenonMu do karejo na luar biasa na so diambang roha. Mijur Ho, ale Tuhan, jana di adopanMu, manyikur angka dolok hara ni na heput.

JESAYA 64:1

Sibakkon ma langit, jana mijur ma Ho ale Tuhan, baen ma angka dolok humutur hara ni biarna,

MASMUR 119:137

Tigor situtu do Ho, ale Tuhan, tumbuk do sude parentaMu.

PANGARATAION 33:2

“Ro do Tuhan sian Dolok Sinai bincar di ginjang ni Edom songon mataniari. Sian Dolok Paran murgap Ia laho manyondangi bangsoNa, diudurkon sampulu ribu surusuruan api na marjilam di tanganna songon hilap.

PANGARATAION 5:4

Mangkobari do Tuhan di ginjang ni dolok i sian api paadop-adop dohot hamu.

PANGARATAION 4:33

Unjung ma he adong sada bangso na hot mangolu dung dibege sada debata mangkuling tu halahi sian api, songon na nialamanmunu i?

PANGARATAION 4:8

Angka bangso na asing sanga na bia pe godangna, nada adong aturanna na songon tigor ni angka aturan na huajarkon tu hamu sadari on.

HARURUAR 20:22

Diparentahon Tuhan ma tu si Musa anso dipaboa ia tu bangso Israel, “Madung diida hamu sanga songon dia, Au Tuhan, Au na mandok hata tu hamu sian banua ginjang.

HARURUAR 16:23

Gabe didok si Musa ma tu halahi, “Madung ditontuhon Tuhan, ancogot i ma ari na badia laho maradian, ari na nihaulkon tu Tuhan. Sanga aha na giot tutungonmunu sadari on, tutung hamu ma. Lobina i dipaasing jana disimpan ma i tu ancogot.”

PANGARATAION 4:36

Sian langit, dipatubegehon Ia do soraNia tu hamu laho mangajari hamu; di tano on, madung dipatidahon Ia tu hamu apiNia na badia, jana sian api i pe mangkobari do Ia tu hamu.

MASMUR 119:4

Dilehen Ho do, ale Tuhan, parentaMu tu hami, anso setia hami nian mandalankon i.

2 RAJA-RAJA 17:37

Burju ma oloi hamu tongtong angka uhum dohot angka parenta na dung Husuratkon di hamu. Ulang marsomba hamu tu angka debata sileban,

ESRA 7:6

Halak na marsikola do si Esra jana bahat do na binotonia salaho tu Uhum na nilehen ni Tuhan, Debata ni Israel tu si Musa. Dibaen dipasupasu Tuhan Debata do si Esra, gabe dilehen raja ma disia sandok na nipangidonia. Di taon papituhon mamarenta Raja Artahsasta, marangkat ma si Esra sian Babel manuju Jerusalem rap dohot sarombongan halak Israel, i ma angka malim, halak Levi, angka parende maradu panjago horbangan ni Bagas Ni Tuhan, dohot angka parkarejo.