NEHEMIA 8:6 - BIBEL JAMITA NA DENGGAN

⁶ Didok si Esra ma, “Puji hamu ma Tuhan, Debata Na Bolon i!” Sude ma rayat i mangangkat tanganna tu ginjang jana didok halahi ma, “Amen, amen!” Dung i manungkap ma halahi marsomba Debata.

NEHEMIA 8:6 Referans Kwoze

1 TIMOTEUS 2:8

Sanga na di dia pe angkon martangiang do angka halaklahi tu Debata sian roha na ias jana ulang mardongan muruk dohot salisi.

ANDUNG 3:41

Beta ma taungkap rohanta jana martangiang tu Debatanta di banua ginjang,

HARURUAR 4:31

Gabe porsaya ma halahi boti dung dibege halahi bahaso na dung ro hape Debata marnida sude parkancitan ni halahi, dipaunduk halahi ma marsomba tu Debata.

2 JUJUR TAON 20:18

Gabe marsomba ma Raja Josafat. Laing dohot ma sude rayat i mandongani ia unduk marsomba tu Tuhan.

HALUMBAAN 7:11

Jadi jongjong ma angka surusuruan i humaliang habangsa i dohot humaliang angka pangituai i dohot humaliang mahluk na opat i. Manungkap ma angka surusuruan i di jolo ni habangsa i manyomba Debata.

MASMUR 134:2

Angkat ma tanganmunu adop inganan na badia, jana puji ma Tuhan!

NEHEMIA 5:13

Dung i hubuka ma basaen na di gontingku lalu huhirpaskon jana hudok ma, “Sai songon on ma nian dihirpaskon Debata ganop halak na so patuluskon janjina. Malarat ma halakna i, dibuat Debata ma bagas dohot sude sinadonganna!” Sude ma na marlagut i mangalusi, “Amen!” lalu mamuji Tuhan. Jadi dipatulus angka pamimpin i ma janji ni halahi i.

PAMUNGKAAN 24:26

Jadi manungkap ma hatoban i marsomba tu Tuhan.

1 JUJUR TAON 29:20

Dung ditangianghon ia songon i didok si Daud ma tu halak na bahat na marlagut disi, ning ia ma, “Puji hamu ma Tuhan Debatamunu i!” Jadi dipuji halahi ma Tuhan, Debata na nisomba ni angka ompu ni halahi i. Manungkap ma halahi pasangapkon Tuhan dohot raja i.

HAMALIMON 9:24

Dung i dipaijur Tuhan ma api na manutung sude haul situtungon dohot goar-goaran na martabo-tabo di ginjang ni langgatan i. Di na niida ni angka jolma i na masa i, sude ma halahi marsurak jana unduk manyomba.

HARURUAR 12:27

Alusanmunu ma, ‘On ma da haul Paskah laho pasangapkon Tuhan, angke sude bagas ni halak Israel di Mesir disalpui Ia do, jana dibunu Ia do angka halak Mesir, hape anggo hita dipadiar Ia do mangolu!’ ” Dung i marsinggang ma halak Israel jana marsomba tu Tuhan i.

1 PETRUS 1:3

Mandok tarimakasi ma hita tu Debata bope Ama ni Tuhanta Jesus Kristus! Hara ni denggan ni rohaNia, dibaen Ia do hita gabe jolma na imbaru na maruli arop ni roha na tongtong mangolu, angke madung dipangolu Kristus mangulahi sian hamatean.

EPESUS 1:3

Pinuji ma Debata, Ama ni Tuhanta Jesus Kristus! Dipasupasu Ia do hita dohot sude ragam-ragam ni pasupasu partondion sian banua ginjang, hara ni na dung mardomu i hita dohot Kristus.

1 KORINTUS 14:16

Harana muda mandok tarimakasi hamu tu Debata dohot tondimunu sajo, songon di ma he tarbaen halak na bahat i mandok, “Amen”, dung sidung ho mandok tarimakasi, anggo so diboto ia, sanga aha na nidokmi?

MATEUS 26:39

Dung i kehe ma Jesus tar dumao saotik, tungkap ma Ia tu tano laho martangiang, “O Amang,” ning Ia, “Anggo tarbaen do, padao ma sian Au parkancitan na angkon jagitonKu. Tapi ulang ma hagiotKu na tulus, baen ma songon na dihagiotiMu.”

MATEUS 6:13

jana ulang pamasuk hami tu bagasan pandugaan, tapi palua ma hami sian pangago i.’ [Ho do Raja na markuaso jana na marsangap salolot-lolotna.]

JEREMIA 28:6

“Denggan! Sai tulus ma nian alatanmi, jana sai saut ma dioban Tuhan sian Babel angka barang-barang ni Bagas Ni Tuhan rap dohot sude halak na tarbuang tusi.

MASMUR 141:2

Jagit ma tangiangku songon haul hamonyan, tanganku na hupahortang songon haul borngin.

MASMUR 63:4

Mandok tarimakasi do au tu Ho salolot au mangolu, angkatonku ma tanganku lalu martangiang tu joloMu.

MASMUR 41:13

Puji ma Tuhan, Debata ni Israel! Puji ma Ia saonnari bope sapanjangna! Sai tulus ma songon i. Amen!

MASMUR 28:2

Tangihon ma pangidoanku, muda huangkat tanganku adop BagasMu.

2 JUJUR TAON 29:30

Disuru raja dohot angka hatobangon ni rayat i ma endehonon ni angka halak Levi i puji-pujian tu Tuhan na nikarang ni si Daud dohot Panurirang Asap. Marjop ni roha situtu ma sude jolma i na marende i lalu marsinggang manyomba Debata.

2 JUJUR TAON 6:4

Didok ia ma, “Na marjanji do Tuhan na salpu i tu damang si Daud songon on, ‘Mamungka sian na Huoban bangsongKi ruar sian Mesir lopus tu sadari on, nada adong sada kota pe na Hupili di tano Israel na gabe inganan laho mambangun bagas paribadatan tu Au, jana nada adong sahalak pe na Hupili laho mamimpin bangsongKu Israel. Tapi saonnari Hupili ma Jerusalem gabe inganan marsomba tu Au. Jana ho, Daud, Hupili laho mamarenta bangsongKu.’ Nipuji ma Tuhan Debata ni Israel na dung patuluskon janjiNa i!”

PAMUNGKAAN 14:22

Dialusi si Abram ma, “Husumpahon ma di jolo ni Debata Na Gumincat i, na manompa langit dohot tano,

1 JUJUR TAON 16:36

Puji ma Tuhan, Debata ni Israel! Puji ma Ia saonnari ro di salolotna! Dung sidung diendehon si Asap dohot angka halak Levi i ende i, didok halak Israel ma sude, “Amen,” jana dipuji halahi ma Tuhan.

NEHEMIA 8:7

Dung salpu i jongjong ma halahi di ingananna be, lalu adong ma sanga na piga halak Levi na patorangkon Uhum i tu halahi, i ma si Jesua, si Bani, si Serebya, si Jamin, si Akub, si Sabetai, si Hodia, si Maaseya, si Kelita, si Asarya, si Josabad, si Hanan dohot si Pelaya.

1 JUJUR TAON 29:10

Di jolo ni halak na bahat i, dipuji Raja Daud ma Tuhan. Ning ia ma, “O Tuhan, Debata na nisomba ni ompunami si Jakob, sipujion ma Ho salolot-lolotna!

2 JUJUR TAON 29:10

Saonnari au giot mambaen parjanjian dohot Tuhan, Debata ni Israel, anso ulang muruk be Ia tu hita.

MASMUR 95:3

Angke Debata na godang do Tuhan, raja na marsahala mangatasi sandok debata.