NEHEMIA 6:8 - BIBEL JAMITA NA DENGGAN

⁸ Tapi hutongos ma alusna songon on, “Gabusmu do sude na nidokmi jana tubu-tubu ni rohamu sandiri do i.”

NEHEMIA 6:8 Referans Kwoze

MASMUR 52:2

Mangicu jana mambaen sangkap na jat do ho sasadari, dilamu pe songon piso cukur na tajom.

JOB 13:4

Dibaen ditutupi ho do otomu dohot gabus, nada adong imbarna songon angka datu pargabus.

BAENON NI ANGKA RASUL 25:10

Tapi didok si Paulus ma, “Di jolo ni pangadilan ni Kesar Rom do au na jongjong on; jana angkon disi do niadilan au. Tangkas do diboto tuan i na so marsala au tu halak Jahudi.

BAENON NI ANGKA RASUL 25:7

Jadi disi lalu si Paulus, marjongjongan ma halak Jahudi na marroan i sian Jerusalem mangkaliangi ia. Dipungka halahi ma pajojorkon angka pangaduan ni halahi na borat adop si Paulus. Hape nada tarbuktihon halahi i.

JOHANNES 8:44

Angka anak ni Sibolis do hamu. Jadi hagiot ni amangmunu do na nijalahanmunu. Sian mula-mulana do Sibolis i sibunu jolma. Nada mangolu dibagasan hatutuan ia, harana nada adong disia hatutuan. Pargabus do Sibolis, angke songon i hian do bako ni i. Tutu do pargabus Sibolis i, ia do ama ni sandok gabus.

MATEUS 12:34

O hamu pomparan ni ulok, songon dia dehe tarbaen hamu mandok angka na denggan, angke na jahat do hamu? Angke, sanga aha na manggohi roha, matua i do hobarkonon ni pamangan!

DANIEL 11:27

Dung i rap juguk ma raja na dua i sameja jana rap mangan, tapi marroha na jahat do halahi na dua, jana marsigabusan ma halahi. Tapi sundat do sangkap ni halahi i dibaen nada dapot dope hatihana.

JESAYA 59:4

Nada adong na mangajuhon parkaro na maralasan na tutu, jana nada adong na manguhumi, dohot alasan na togu. Halak na mangasahon na so hasaya dohot gabus, halak na adong mara dohot manubuhon hajahatan.

MASMUR 38:12

Halak na sai giot mamunu au, manaon jorat; sasadari hum na mambaen tahi na jahat, laho mangago au mardongan tipu akalna.

MASMUR 36:3

Gok sipaoto-oto, jahat angka hatana, anggo na denggan dohot habisuhon nada dibaensa.

NEHEMIA 6:7

jana madung ditodo ho angka panurirang laho manabalkon ho di Jerusalem. Pasti lalu do tu raja barita-barita i. Antong ro ma ho anso tahatai salaho tusi.”