NEHEMIA 6:16 - BIBEL JAMITA NA DENGGAN

¹⁶ Dung tarbege pangalaho i tu angka musunami sian tonga-tonga ni angka bangso na humaliang i, mabiar ma halahi martilako, angke sude do halak umbotosa bahaso na niurupan ni Debata do karejo i dipatulus.

NEHEMIA 6:16 Referans Kwoze

JOSUA 5:1

Dibege sude raja-raja ni Amori na di Hasundutan ni Batang aek Jordan, dohot sude angka raja ni Kanaan na di topi ni Laut Tonga ma, na nipahiang ni Tuhan Batang aek Jordan salolot mamolus halak Israel di batang aek i lopus lalu halahi di bariba. Jadi gabe mabiar ma angka raja i jana humitir hara ni halak Israel.

MASMUR 126:2

Sai torus do hita martata jana marende marjop ni roha gabe jabat dipardokkoni angka bangso na asing, “Godang ma tutu na nipatupa ni Tuhan tu halahi!”

NEHEMIA 4:7

Di na tarbege tu si Sanbalat, si Tobia dohot angka halak na sian Amon dohot Asdod maradu angka halak Arab bahaso na dung mur maju na padenggankon tembok ni Jerusalem i jana na dung mamungka ditutup angka lubang-lubang na di tembok i, gabe sun ma muruk ni halahi.

NEHEMIA 4:1

Di na nibege ni si Sanbalat na padenggankon tembok ni kota hami, halak Jahudi, gabe biraraon ma ia muruk jana dipungka ia ma mangincahi hami.

NEHEMIA 2:10

Tapi di na tarbege tu si Sanbalat halak Bet-Horon i dohot tu si Tobia halak Amon i bahaso na dung ro au i ma taringot tu haporluan ni bangso Israel, gabe lebak sajo ma dihilala halahi.

BAENON NI ANGKA RASUL 5:38

Jadi saonnari taringot tu na masa on, songon on ma sidohononku: Ulang ma hahua hamu halak on, tapadiar ma songon i. Harana anggo na sian jolma do pangajaran dohot na nikarejohon ni halahi, angkon gabe mago sandiri do pangajaran dohot na nikarejohon ni halahi i.

BILANGAN 23:23

Gogo ni ajimat sanga elmu sihir, nada hasaya mangalo halak Israel. Bangso i ma na gabe hobaron ni bibir, hahomangan do pambaen ni Debata ni Israel!

HARURUAR 14:25

Marsangkotan ma dibaen Ia angka roda ni kareta i, jadi gabe maol ma mardalan. Ninna halak Mesir i ma, “Tuhan do marporang di halak Israel mangalo hita. Beta ma hita morot sian on!”

NEHEMIA 6:17

Di hatiha i laing na marsitongosan surat dope angka pamimpin ni Jahudi i dohot si Tobia.

JEREMIA 33:9

Gabe hamogaan dohot hagodangan ni rohangKu ma Jerusalem. Sandok bangso na di tano on gabe mabiar jana humitir gabe pasangap Au muda dibege halahi taringot tu sude hadengganan na Hubaen tu halak Jerusalem dohot taringot tu hadameon na Hulehen tu kota i.”

JOSUA 2:9

jana didok ia ma tu halahi, “Huboto do na dung dilehen Tuhan do anggo luat on tu hamu. Sude do halak na dison mabiar tu hamu.

JOSUA 2:11

Disi hami bege barita i, gabe sun ma biarnami. Ma pola mago habaranion nami hara ni hamu. Debata ni langit dohot tano do anggo Tuhan Debatamunu.

MASMUR 109:27

Jadi gabe botoon ni musungku ma, Ho do na paluahon au.

MASMUR 129:5

Padiar ma angka na magigi mida Sion talu jana sumurut.

MASMUR 147:2

Mulak ma suang Jerusalem baenon ni Tuhan, obanonNia noma mulak angka halak na tarbuang.