NEHEMIA 6:13 - BIBEL JAMITA NA DENGGAN

¹³ dohot laho mambiar-biari au anso huihutkon usul ni halahi i mambaen dosa. Jadi muda songon i gabe adong ma dalan ni halahi pajatjat-jatjatkon goarku anso gabe sihata-hataan ni halak iba.

NEHEMIA 6:13 Referans Kwoze

JEREMIA 20:10

Tarbege ma halak marhusipi di sude inganan, “Biar noma na marroha-roha! Beta ma hita aduhon ia tu raja!” Salangkan angka ale-alengku sudena paintehon hadadabungku noma. Didok halahi, “Aropku marhite elek-elek, tartaluhon hita do i, anso tarbaen hita palalu hosom tusia.”

JAKOBUS 4:17

Jadi hara ni i, mardosa do sanga ise na umboto na denggan sipatupaonnia nian, hape nada dipatulus ia.

2 TIMOTEUS 1:7

Harana anggo Tondi na nilehen ni Debata tu hita, nada Tondi na mambaen hita gabe parbiar. Tapi na patoguhon hita do Tondi i, na manggohi hita dohot holong ni roha jana na margogoihon hita mangorom dirinta.

JEREMIA 18:18

Didok halahi ma, “Tole ma martahi hita mangalo si Jeremia. Haru so adong pe ia laing na adong do angka malim na mangalehen pangajaran, laing na malo do angka halak na bisuk mangalehen sipaingot; jana laing tarbaen angka panurirang do palaluhon angka tona ni Debata tu hita. Beta ma hita aduhon ia tu paruhuman jana nada be patangi-tangionta angka hatania.”

PODA 29:5

Na paoto-oto donganna, mambaen jorat do i tu dirina.

NEHEMIA 6:6

isina songon on: “Dipaboa si Gesem tu au na adong barita-barita di tonga-tonga ni angka bangso na humaliang on na mandok bahaso na giot mambaen pamberontakan ho dohot sude halak Jahudi, jana hara ni i do umbaen na dipadenggan ho tembok i. Didok ia dope, bahaso na giot angkatonmu sandiri ho gabe raja ni Juda,

HALUMBAAN 21:8

Tapi anggo angka parbiar, angka na so tontu, angka na so ture, sibunu jolma, angka na rogon, angka pardatu-datu, angka na manyomba gana-ganaan dohot sudena pargabus, laut api do inganan ni halahi dohot barerang na gara-gara, i ma hamatean na paduahon i.”

TITUS 2:8

Angka pandohan na tabo ma pake, na so tarincahi halak, anso maila angka halak na mangalo ho angke sada pe nada adong na hurang denggan dapot halahi sihataanna taringot tu hita.

1 TIMOTEUS 5:14

Hara ni i ma dibaen na dumenggan hudok marbagas mangulahi angka na mabalu na poso dope. Denggan ma i mardakdanak halahi dohot na mangurus rumahtanggana anso ulang adong tarbaen angka musunta i dalan pajatjat-jatjatkon goarta.

2 KORINTUS 11:12

Sanga aha na hukarejohon saonnari, pupuonku do mambaen i, lopus inda tarbaen “angka rasul” na asing i be pagodang diri bope mandok na sarupa karejonami dohot halahi.

BAENON NI ANGKA RASUL 6:13

Jana dioban halahi muse ma angka saksi na mangalehen hatorangan na so tutu taringot tu si Stefanus. Didok angka saksi i ma, “Hum na mangincahi do bayo on tu Bagas Ni Debata na badia i jana laing diincahi ia do angka Tona Ni Debata na nipasahat ni si Musa i.

MATEUS 26:59

Dijalahi angka kapala ni malim i ma dohot sude parrapot i angka hasaksian na so tutu laho mangalo Jesus anso adong dalanna baenon ni halahi mamunu Ia.

MATEUS 22:15

Dung i kehe ma halak Parise i anso rap martahi manjalahi dalan sanga na bia baenon anso tardapot halahi Jesus di hasalaanna muda disapai halahi.

MATEUS 10:28

Ulang pola mabiar hamu mida halahi sibunu pamatang tapi na so margogo mamunu tondi. Tapi habiari hamu ma Debata na markuaso mamunu pamatang dohot tondi di api narako.

JEHESKIEL 2:6

Tapi anggo ho ale jolma parsantongkinan, ulang ho mabiar mida angka jolma pangalo i sanga mida na ni pardokkonan ni halahi. Aloon jana palayason ni halahi do ho, lopus songon na mangolu di tonga-tonga ni duri sanga na tada-tada sanga na di tonga-tonga ni halak ho. Haru pe songon i, ulang ho mabiar.

JEREMIA 1:17

On pe markobas ma ho, Jeremia! Kehe ma ho jana paboa ma tu halahi sandok na Huparentahon tu ho. Ulang ho mabiar mida halahi, anso ulang Hubaen ho mur mabiar muda maradopan dohot halahi.

JESAYA 57:11

Tu ise ulaning ho humitir jana mabiar, gabe margabus ho, jana nada mangingot Au, sanga inda ditangihon ho Au. Nada he hara ni na sip jana Hupapitpit matangKu, gabe nada mabiar be ho tu Au?

JESAYA 51:7

Tangihon ma Au, ale hamu angka na umboto hasintongan, ale bangso na manyimpan pangajaranKu di bagasan rohamu! Ulang mabiar hamu muda dipabile jolma, jana ulang tarsonggot muda diincahi halahi.

PARJAMITA 7:1

Gumonan do goar na huskus umpado miak sigodang arga; jana dumenggan do ari hamamate sian ari hatutubu.

PODA 22:1

Ummarga do goar na denggan ulang pado hakayoon, jana dumenggan do di haholongi ulang pado sere sanga perak.

NEHEMIA 6:12

Dung hutimbangi pangalaho i, sadar ma au bahaso na so sian Debata do hata ni si Semaya i tapi na sian si Tobia dohot si Sanbalat do. Na hona sogok ni halahi do si Semaya laho palaluhon alatan i tu au,