NEHEMIA 6:11 - BIBEL JAMITA NA DENGGAN

¹¹ Tapi hualusi ma, “Anggo au, nada huhagioti na maporus. Diambang ho ma lakna na giot palua diri au muda masuk martabuni di Bagas Ni Tuhan? Nada, nada ra au!”

NEHEMIA 6:11 Referans Kwoze

BAENON NI ANGKA RASUL 21:13

Tapi dialusi ia ma, “Aha ma he gunana martangisan hamu songon on, hum mangarsahi ate-atengku do i. Angke nada hum nirahutan au rade, tapi na rade do au mate di Jerusalem humopkop goar ni Tuhan Jesus.”

PODA 28:1

Marlojongi do halak parjahat haru so adong na mangayak, tapi halak na tigor barani do songon singa.

PILIPPI 2:17

Betak na angkon dohot dope haulkononku pamatangkon pasanggamkon haul na ni haulkonmunu i di bagasan haporsayaanmunu na gok tu Debata. Muda pe angkon songon i, mandok tarimakasi do au tu Debata hara ni i jana dohot ma au marjop ni roha rap dohot hamu.

BAENON NI ANGKA RASUL 20:24

Tapi nada pola hupardulihon ngolungkon, asalkan ma hupasidung karejo na nipasahat ni Tuhan Jesus tu au jana asal ma sai burju au lopus tu ujung ni ngolungku laho manjamitahon Jamita Na Denggan i, i ma taringot tu asi ni roha ni Debata.

MASMUR 112:8

Nada sak rohania, nada heput muse ia, angke pos do rohania, sai na talu do musunia.

MASMUR 112:6

Anggo halak na burju nada ganggu, salolot-lolotna do ia niingot.

IBRANI 11:27

Hara ni haporsayaanna, gabe ditadingkon si Musa do tano Mesir so pola mabiar ia mida raja i na topet muruk marsitutu. Torus ditustus ia do dalannia songon na dung niidania Debata na so tarida i.

PILIPPI 2:30

Hum hara ni haporluan ni karejo ni Kristus i, saotik nari noma anso mate ia. Martaru hosa do ia di na mangalehen pangurupi tu au hara ni goarmunu.

PARJAMITA 10:1

Bangke ni sada lanok pabusukkon sabotol miak na huskus, haotoon na saotik mangagohon bisuk na gincat.

NEHEMIA 6:9

Na mancubo mambiar-biari hami ma halahi anso hami antak karejo i. Martangiang ma au, “Ale Debatangku, pargogoi ma au!”

NEHEMIA 6:3

jadi gabe hutongos ma alus tu halahi songon on, “Nada tarbaen dibaen adong topet karejongku na penting. Nada ringkot rohangku palambatkon karejo i hum hara ni na giot marsuo dohot hamu.”

1 SAMUEL 19:5

Ma pola martaru hosa ia di na mamunu si Goliat, jana dilehen Tuhan do hamonangan na godang tu Israel markite-hite ia. Diida amang sandiri do na masa i, jana jop do roha ni amang di hatiha i. Jadi biasi ma saonnari giot pusaon ni amang halak na so marsala i jana giot bunuon ni amang si Daud so adong harana?”

BAENON NI ANGKA RASUL 8:1

Mamungka sian ari i masa ma pangayakayakon na godang di parlagutan na di Jerusalem, jadi marserak ma sude angka na porsaya i, hum angka rasul i noma na tinggal rap. Sarsar ma halahi tu sude Luat Judea dohot tu Samaria bage.

JESAYA 10:18

Angka harangan godang dohot angka ladang na napu segohonon noma i sudena, tudos tu jolma na nisegohon ni nyae na mamatehon.

NEHEMIA 6:12

Dung hutimbangi pangalaho i, sadar ma au bahaso na so sian Debata do hata ni si Semaya i tapi na sian si Tobia dohot si Sanbalat do. Na hona sogok ni halahi do si Semaya laho palaluhon alatan i tu au,

BILANGAN 3:10

Si Harun dohot angka anaknia, angkatonKu ma i mangkarejohon hamalimon; sanga ise na manguji giot mangkarejohon songon i angkon mate uhumon.”