NEHEMIA 5:4 - BIBEL JAMITA NA DENGGAN

⁴ Jana adong muse dope na mandok, “Ma manginjam hepeng hami laho palunaskon pajak na nitontuhon ni raja, i ma pajak ni ladang dohot kobun anggurnami.

NEHEMIA 5:4 Referans Kwoze

ESRA 4:13

Anggo jabat do lalu sidung dipajongjong, indangkon na ra be halak na maringanan disi manggarar pajak. Jadi gabe murak ma pandapotan ni harajaan.

ESRA 4:20

Jungada do adong angka raja-raja na barani mamarenta disi jana mangarajai sude propinsi Efrat Hasundutan jana padalan pajak dohot bolaan.

NEHEMIA 9:37

Sude suha na dapot sian tano on, angkon pasahaton do tu angka raja ni luat on. Ho do mangangkat angka na markuaso i di bangsoMu, gabe uhuman ni dosa ni rayat i maradopkon Ho. Marroha-roha mamarenta halahi, tu hami dohot tu pahan-pahanannami. Jadi gabe marhancit hami saonnari, gok na manyosak dohot na mangarsahi!”

ESRA 7:24

Nada tola buatonmunu pajak sian angka malim, halak Levi, parende, panjago pintu horbangan, parkarejo, sanga sian ise sajo na adong hubunganna dohot Bagas Ni Tuhan.

JOSUA 16:10

Tapi nada diusir Efraim halak Kanaan ruar sian Geser. I ma dalanna lopus tu saonnari laing maringanan halak Kanaan di Geser rap dohot halak Efraim, tapi dipaksa do halahi markarejo baen di halak Efraim.

NEHEMIA 5:3

Adong muse na mandok, “Tarpaksa noma hugadehon ladang, kobun anggur dohot bagasnami baen panobusi ni gandum anso ulang mate tangkuraparon.”

PODA 22:7

Guru dok ni paradongan do halak na pogos gabe hatoban ni parsingir do parutang.