NEHEMIA 5:13 - BIBEL JAMITA NA DENGGAN

¹³ Dung i hubuka ma basaen na di gontingku lalu huhirpaskon jana hudok ma, “Sai songon on ma nian dihirpaskon Debata ganop halak na so patuluskon janjina. Malarat ma halakna i, dibuat Debata ma bagas dohot sude sinadonganna!” Sude ma na marlagut i mangalusi, “Amen!” lalu mamuji Tuhan. Jadi dipatulus angka pamimpin i ma janji ni halahi i.

NEHEMIA 5:13 Referans Kwoze

BAENON NI ANGKA RASUL 18:6

Tapi hara ni na sai torus dialo angka jolma i boti sai mangincahi halahi, gabe dipaspaskon si Paulus ma abuan na di pakeannia i adop halahi, gabe songon tanda laho paingotkon hasalaan ni halahi sandiri. Didok ia ma, “Muda gabe mago hamu, salamunu sandiri noma i! Nada ahana be i di au! Olat ni on, tu bangso na so Jahudi noma au kehe.”

MATEUS 10:14

Muda adong bagas sanga kota na so ra manjagit hamu sanga na so ra manangihon jamitamunu, tinggalkon hamu ma i. Hirpaskon hamu ma abuan ni patmunu i tu halahi.

1 JUJUR TAON 16:36

Puji ma Tuhan, Debata ni Israel! Puji ma Ia saonnari ro di salolotna! Dung sidung diendehon si Asap dohot angka halak Levi i ende i, didok halak Israel ma sude, “Amen,” jana dipuji halahi ma Tuhan.

BAENON NI ANGKA RASUL 13:51

Dung i dipaspaskon rasul na dua i ma abuan ni pat ni halahi di jolo ni halak na bahat i, i ma na gabe songon sipaingot. Kehe ma halahi tu Ikonium.

PARJAMITA 5:5

Dumenggan do indangkon sai nibaen janji ulang pado na so patuluskon.

MASMUR 119:106

Na hujanjihon mardongan sumpa gohanku ma i, haputusanMu na tigor i patulusonku do i.

MASMUR 76:11

Gohi ma janjimu tu Tuhan Debatamu. Denggan ma i sude bangso na maringanan di na donok maroban silua di Debata sihabiaran i.

MASMUR 50:14

Haul haluaan ma haulkon tu Au, Debata Na Gumincat patulus ma janjimu tu Au.

NEHEMIA 8:6

Didok si Esra ma, “Puji hamu ma Tuhan, Debata Na Bolon i!” Sude ma rayat i mangangkat tanganna tu ginjang jana didok halahi ma, “Amen, amen!” Dung i manungkap ma halahi marsomba Debata.

2 RAJA-RAJA 23:3

Dung i dibaen raja i ma parjanjian dohot Tuhan anso burju mangoloi tuSia dohot mandalankon sian sandok roha dohot sandok ate-ate sude parenta dohot angka tonaNia jana gohanna ma aturan ni parjanjian ni Tuhan dohot bangsoNa na tarsurat di bagasan buku i. Dohot do sude rayat marjanji anso burju mangoloi parjanjian i.

1 SAMUEL 15:28

Dung i didok si Samuel ma tusia, “Sadari on ma disibakkon Tuhan harajaan Israel sian raja i, jana dilehen ia tu halak na asing na umburju sian raja i.

BILANGAN 5:22

Masuk ma aek on tu butuhamu mambaen ho busungon jana hesut na niabitanmi.” Alusan ni dadaboru i ma, “Hujagit ma i; sai dibaen Tuhan i ma songon i.”

1 KORINTUS 14:16

Harana muda mandok tarimakasi hamu tu Debata dohot tondimunu sajo, songon di ma he tarbaen halak na bahat i mandok, “Amen”, dung sidung ho mandok tarimakasi, anggo so diboto ia, sanga aha na nidokmi?

PODA 28:4

Sanga ise na pageduk uhum, mamihak tu na jahat; sanga ise na mangoloi uhum, mangalo halak na jahat.