NEHEMIA 3:3 - BIBEL JAMITA NA DENGGAN

³ Horong ni si Senaa: Pintu Horbangan Ihan dohot angka balok, angka pintu, angka baut dohot angka palangna.

NEHEMIA 3:3 Referans Kwoze

NEHEMIA 12:39

Lalu mamolus ma hami sian Pintu Horbangan Efraim, Pintu Horbangan Na Lolot, Pintu Horbangan Ihan, Palas-palas Hananeel dohot Palas-palas Mea lopus tu Pintu Horbangan Biri-biri. Maradian ma barisannami i di lambung ni Pintu Horbangan Panjagoan na di lambung ni Bagas Ni Tuhan.

2 JUJUR TAON 33:14

Dung i dipagincat si Manase ma tembok parruar na di Kota Ni si Daud na di sabola Habincaran i. Dipungka ia ma sian sada inganan di lombang na di lambung ni mata mual Gihon torus tu Utara lopus tu Pintu Horbangan Ikan dohot bagian ni kota i na margoar Ofel. Di ganop kota na marbenteng na di Juda, laing dibaen ia muse ma sada halak panglima.

ZEPANYA 1:10

Anggo di ari i, ninna Tuhan, “Habegean ma sora ni na tangis di Horbangan Ihan, habegean ma sora ni andung sian parkotaan na imbaru, dohot sora ni na matolbak godang marsaringar ma sian angka dolok.”

NEHEMIA 2:8

Tamba ni i, laing hupangido dope surat tu si Asap panjago ni harangan harajaan, anso dipasingkop ia hayu sibaenon tu pintu horbangan ni benteng na manjagohon Bagas Ni Tuhan, dohot sipakeon di tembok ni kota dohot bagas na giot ingananku. Dioloi raja i do sude pangidoanki, dibaen ditolong Debata do au.

NEHEMIA 7:1

Dung sidung tembok i dibangun, husuru ma anso dipasang angka pintuna i. Jadi husuru ma angka panjago pintu horbangan, angka parende dohot angka halak Levi marsikarejohon karejona be.

NEHEMIA 6:1

Tarbege ma tu si Sanbalat, si Tobia, si Gesem halak Arab i dohot angka musunami na asing i na dung sidung hami padenggankon tembok i jana na dung martutup sude lubangna i, haru pe na so hami pasang dope di hatiha i angka bulung ni pintuna di angka pintu horbangan ni kota i.

NEHEMIA 3:6

Si Joyada anak ni si Paseah dohot si Mesulam anak ni si Besoya: Pintu Horbangan Jesana dohot angka balok, angka pintu, angka baut dohot angka palangna.

NEHEMIA 3:4

Si Meremot anak ni si Uria, jana pahompu ni si Hakos. Si Mesulam anak ni si Berekia jana pahompu ni si Mesesabeel. Si Zadok anak ni si Baana,

MASMUR 147:13

Dipatogu Ia do angka pintu ni horbanganmunu, jana dipasupasu Ia halak na manginganisa.