NEHEMIA 2:14 - BIBEL JAMITA NA DENGGAN

¹⁴ Jadi sian bagian Habincaran ni kota i torus ma hami tu Utara, tu Pintu Horbangan Sampuran dohot Tobat Raja. Tapi nada adong disi be dalan na tarbolus halode na hutengget i, hara ni bahatna na magargar i.

NEHEMIA 2:14 Referans Kwoze

NEHEMIA 3:15

Si Salum anak ni si Kolhose, parkuaso ni distrik Mispa: Pintu Horbangan Mata Mual dohot tarupna, angka pintu, angka baut dohot angka palangna. Dohot muse tembok ni Tobat Selah na di lambung ni taman bagas godang lopus tu tangga-tangga panuatan sian Kota Ni si Daud.

2 RAJA-RAJA 20:20

Barita na asing taringot tu si Hiskia, taringot tu angka jasa ni hagogoonnia dohot sanga songon dia pambaenannia di tobat dohot bondar hapuasan ni aek na tu kota, sudena i madung disuratkon di Buku Sejarah Ni Raja-raja Juda.

2 JUJUR TAON 32:30

Raja Hiskia ma na mambaen tahalak ni mata mual Gihon, jana dipadalan ia ma aekna i mamolus bubusan di bagasan tano tu bagasan kota Jerusalem. Manjadi do sude na nikarejohon ni si Hiskia.

2 RAJA-RAJA 18:17

Tapi laing disuru raja Asur dope sian Lakis sada pasukan sibahat-bahat laho mamorangi Jerusalem. Pasukan i na nipimpin ni tolu halak soridadu, i ma panglima parhobas ni siinumon dohot kapala pangawal ni raja. Lalu ma halahi tu kota i jana diingani halahi ma dalan na margoar Ladang Panyucian di lambung ni undung-undung hapuasan ni aek na sian tobat parginjang.

NEHEMIA 12:37

Dung lalu di Pintu Horbangan Sampuran, mambelok ma halahi jana manganangkohi tangga ni Kota Ni si Daud, mamolus sian bagas godang ni si Daud, lalu mulak tu tembok na di Pintu Horbangan Aek na di Habincaran ni kota i.

PARJAMITA 2:6

Huhuar angka tobat laho mangaehi angka porlak dohot kobun i.

NEHEMIA 3:16

Si Nehemia anak ni si Asbuk, parkuaso ni satonga Bet-Zur: Tembok na lalu tu kuburan ni horong ni si Daud, dohot tobat na nipature, dohot tangsi.