NEHEMIA 13:22 - BIBEL JAMITA NA DENGGAN

²² Jadi husuru ma angka halak Levi patupahon upacara paiaskon diri dohot manjago angka pintu horbangan laho mangawasi anso dipasangap halak Ari Sabat i. Martangiang ma au, “Ale Debatangku laing ingot ma au hara ni pangalahongki jana ibo ma rohaMu di au hombar tu godang ni holong ni rohaMu.”

NEHEMIA 13:22 Referans Kwoze

NEHEMIA 12:30

Mangias diri ma angka malim dohot angka halak Levi i di diri ni halahi sandiri, di rayat i, di angka pintu horbangan dohot tembok ni kota.

NEHEMIA 13:14

Ale Debatangku, ingot ma sude na dung hubaen tu BagasMu dohot tu na mangoloi disi.

NEHEMIA 13:31

Laing huatur muse ma anso rade dibaen rayat i soban sipakeon tu parhaulan di hatiha na tontu jana dioban haul sian suha ni gandum na parjolo malamun. Ujungna martangiang ma au, “Debatangku, ingot ma sudena on jana ibo ma rohaMu mida au.”

JESAYA 49:23

Gabe songon ama di ho angka raja, jana angka ratu songon ina. Marsomba ma halahi tu ho lopus dais bohina tu tano jana mandilat abu ni patmu. Hara ni i botoonmu ma bahaso Au do Tuhan, angka halak na mararop ni roha di Au nada dipaila.”

JESAYA 38:3

“O Tuhan, ingot ma na dung huoloi Ho sian haburjuon dohot bulus ni rohangku. Sai huparayak do mangoloi hagiotMu.” Dung i tangis ma si Hiskia, lungun partangisnia i.

MASMUR 130:7

Mararop roha tu Tuhan ma hamu, o hamu bangsoNa angke sai dihaholongi Ia do hita, jana hobas do Ia paluahon hita.

MASMUR 51:1

Ibo ma jolo rohaMu mida au, ale Debata mangihutkon denggan ni rohaMu dohot holong ni rohaMu. Sesa ma pangalaosingku mangihutkon ibo ni rohaMu.

MASMUR 5:7

Tapi hara ni holong ni rohaMu, tola do au masuk tu BagasMu, manungkap adop ingananMu, lalu marsomba tu Ho mardongan roha na marsitutu.

NEHEMIA 12:10

On ma parjojor ni tarombo ni Malim Godang Jesua: Jesua, Joyakim, Elyasib, Joyada,

NEHEMIA 5:19

Pangidoanku ale Debata, ingot ma sasude na dung hubaen i di bangso on jana pasupasu ma au.”

2 JUJUR TAON 29:30

Disuru raja dohot angka hatobangon ni rayat i ma endehonon ni angka halak Levi i puji-pujian tu Tuhan na nikarang ni si Daud dohot Panurirang Asap. Marjop ni roha situtu ma sude jolma i na marende i lalu marsinggang manyomba Debata.

2 JUJUR TAON 29:27

Dilehen si Hiskia ma tandana paboa na giot mulaan ma upacara na pasahatkon haul i. Jadi taran na manghaulkon haul i, mamungka ma marende angka jolma i mamuji Tuhan, jana angka parmusik pe dipalu ma sarune dohot angka musik na deba nari i.

2 JUJUR TAON 29:24

Dung salpu i disambol ma angka hambeng i jana mudarna i diduruskon ma di langgatan i gabe haul pangampuni ni dosa ni sude rayat i. Dibaen halahi ma songon i hara ni na niparentahon ni raja i anso baenon haul situtungon dohot haul pangampuni ni dosa di sude rayat ni Israel.

2 RAJA-RAJA 23:4

Dung salpu i, diparentahon raja i ma tu Malim Godang Hilkia, angka malim pambantu dohot angka pangawal na markarejo di pintu ni Bagas Ni Debata anso diparuar sian Bagas i sude panjamaan na dipake laho mamele Baal, debata boru-boru Asera dohot angka binatang. Ditutung raja i ma sudena i di ruar ni kota di lambung ni Rura Kidron, jana tiranggongna i dioban tu Betel.

PANGARATAION 5:12

Pagodang ma Ari Sabat, anso diparbadiai ho ari i, angke Au do Tuhan Debatamu na mamarentahon i tu ho.

2 KORINTUS 1:12

Anggo na pagodang rohanami on do: Dipapos taroktoknami do rohanami taringot tu sude na hami karejohon di tano on – lumobi na marpardomuan tu hamu – sian roha na ias jana na polin na sian Debata do hami baen i sudena, nada sian habisuhon ni portibi, tapi sian asi ni roha ni Debata do.

JESAYA 55:7

Sai dipauba parjahat ma ngoluna, jana dipadenggan ma rohana. Sai mulak ma ia tu Tuhan Debata, angke paribo roha do Ia jana manigor do ampunanNa ia.

2 RAJA-RAJA 20:3

“Tuhan, ingot ma na dung huoloi Ho sian burju dohot situtu ni rohangku. Sai hugogo do anso hupatulus hagiotMu.” Lalu mangangguk ma si Hiskia.