NEHEMIA 13:13 - BIBEL JAMITA NA DENGGAN

¹³ Hutongoskon ma Malim Selemia, si Zadok Ahli Uhum i dohot si Pedaya halak Levi i laho mangawasi angka kamar panyimpanan i. Hutugaskon muse si Hanan anak ni si Zakur jana pahompu ni si Matania i mangurupi halahi. Angke huboto do haposan do halahi jana uruson ni halahi do pambagi ni bahan-bahan i tu angka dongan sakarejo ni halahi satigor-tigorna.

NEHEMIA 13:13 Referans Kwoze

NEHEMIA 7:2

Hupasahat ma na mamarenta kota Jerusalem tu anggingku si Hanani dohot tu si Hananya komandan ni benteng, harana sumurung do ia sian halak na asing, mabiar do ia tu Tuhan boti haposan ni roha.

2 RAJA-RAJA 22:7

Tigor do tutu angka halak na martanggung jawab di karejo i, jana nada pola porlu pangidoon partanggung jawaban anggo sian halahi.”

1 KORINTUS 4:2

Anggo na dipangido sian halak na gabe pangoloi i ma, angkon sihaposan do ia.

BAENON NI ANGKA RASUL 6:3

Hara ni i, hamu ale angka dongan, pili hamu ma sian tonga-tongamunu sandiri pitu halak na tangkas burju jana na nigohan ni Tondi boti na bisuk, anso hami pabangkit halahi tu karejo na songon i.

BAENON NI ANGKA RASUL 6:1

Di hatiha i, dung mur martamba angka sisean, ro ma ungut-ungut ni halak Jahudi na marhata Junani tu angka na marhata Ibrani, hara ni pambagian ni pangurupion tu angka na mabalu ni halahi na hurang tigor.

NEHEMIA 12:44

Ditugaskon do di hatiha i sanga na piga halak mangawasi angka kamar simpanan inganan ni angka sumbangan tu Bagas Ni Tuhan, masuk ma disi haul parsampuluan dohot gandum maradu parbatu ni suan-suanan na parjolo malamun ganop taon. Angkon palaguton ni angka pangawas i do sumbangan-sumbangan i sian angka ladang na di humaliang ni angka kota. Dipasahat ma sumbangan i tu angka malim dohot angka halak Levi, hombar tu aturan ni Uhum. Diargahon halak Juda do angka malim i dohot halak Levi,

2 RAJA-RAJA 12:15

Tigor-tigor do tutu angka mandur i. Jadi nada porlu pangidoon sian halahi lapuran ni parhepengon.

1 TIMOTEUS 3:10

Angkon jolo niuji ma halahi nian, jadi muda torang do na so adong tilako ni halahi sanga na aha, i pe anso tola halahi mangurupi di parlagutan i.

1 TIMOTEUS 1:12

Mandok tarimakasi do au tu Jesus Kristus Tuhanta i, na mangalehen gogo di au laho mangoloi Ia jana na mangetong au gabe songon sada halak haposan maniop karejo i.

BAENON NI ANGKA RASUL 4:35

jana dipasahat halahi ma i tu angka rasul i. Dung i dibagi-bagihon ma hepeng i tu halak na mangkaporluhon.

LUKAS 12:42

Dialusi Jesus ma, “Ise ma he naposo na burju jana na marroha i! I ma da naposo na nisuru ni tuanna gabe pangarajai di angka naposo na asing i laho mangalehen halahi mangan di hatiha na ditontuhon.

NEHEMIA 11:22

Pangawas ni angka Levi na maringanan di Jerusalem, i ma si Usi anak ni si Bani jana pahompu ni si Hasabia. Ompu na umpompar ia deba, i ma, si Matania dohot si Mika. Masuk tu horong ni si Asap do ia, i ma na markarejo marende na di Bagas Ni Tuhan.

NEHEMIA 8:4

Jongjong ma si Esra di podium hayu na dibaen sipakeon di parlagutan i. Di siamunnia jongjong ma angka si Matica, si Sema, si Anaya, si Uria, si Hilkia dohot si Maaseya; jana di siambirangnia jongjong ma si Pedaya, si Misael, si Malkia, si Hasum, si Hasbadana, si Zakaria dohot si Mesulam.

NEHEMIA 3:30

Si Hananya anak ni si Selemya dohot si Hanun anak ni si Zalap na paonomkon. Si Mesulam anak ni si Berekia: Tembok na paadop-adop dohot bagasnia.

NEHEMIA 10:38

Tapi angkon donganan ni malim na sian pomparan ni si Harun do angka halak Levi i muda palagutkon angka haul i halahi. Jana angkon obanon ni angka halak Levi i do saparsampulu ni sude haul i tu angka kamar talobat na di Bagas Ni Tuhan.

2 RAJA-RAJA 12:16

Hepeng na sian haul gonti ni harugian dohot na sian haul hasesaan ni dosa nada dipamasuk tu poti-poti i, dipasahat tu angka malim do anggo i.