NEHEMIA 12:39 - BIBEL JAMITA NA DENGGAN

³⁹ Lalu mamolus ma hami sian Pintu Horbangan Efraim, Pintu Horbangan Na Lolot, Pintu Horbangan Ihan, Palas-palas Hananeel dohot Palas-palas Mea lopus tu Pintu Horbangan Biri-biri. Maradian ma barisannami i di lambung ni Pintu Horbangan Panjagoan na di lambung ni Bagas Ni Tuhan.

NEHEMIA 12:39 Referans Kwoze

NEHEMIA 3:1

Jana markobas ma Malim Godang Elyasib dohot angka malim, hahaangginia. Dibangun halahi ma muse Pintu Horbangan Biri-biri, mamasang angka pintuna dohot manghapunjungkonsa di Tuhan. Dipadenggan halahi ma tembok i jana dihapunjungkon lopus tu Palas-palas Saratus dohot tu Palas-palas Hananeel.

NEHEMIA 8:16

Jadi markehean ma rayat i mangalap angka dangka ni hayu i. Marsibaen ma halahi sude undung-undung di tarup ni angka bagas na hornop di ginjang bagasna, di alamanna, di alaman ni Bagas Ni Tuhan, di tano lapang na di lambung ni Pintu Horbangan Aek dohot di tano lapang na di lambung ni Pintu Horbangan Efraim.

NEHEMIA 3:6

Si Joyada anak ni si Paseah dohot si Mesulam anak ni si Besoya: Pintu Horbangan Jesana dohot angka balok, angka pintu, angka baut dohot angka palangna.

NEHEMIA 3:3

Horong ni si Senaa: Pintu Horbangan Ihan dohot angka balok, angka pintu, angka baut dohot angka palangna.

2 RAJA-RAJA 14:13

Ditangkup si Joas ma si Amasia, masuk ma ia tu Jerusalem jana ditapor ia ma parik ni kota i adong dua ratus meter, mamungka sian Horbangan Efraim lalu tu Horbangan Suhi.

JOHANNES 5:2

Di Jerusalem di lambung ni “Horbangan Biri-biri,” adong do sada paridian. Di hata Ibrani digoar do i Betesda. Adong muse do lima sopo-sopo humaliang paridian i.

ZEPANYA 1:10

Anggo di ari i, ninna Tuhan, “Habegean ma sora ni na tangis di Horbangan Ihan, habegean ma sora ni andung sian parkotaan na imbaru, dohot sora ni na matolbak godang marsaringar ma sian angka dolok.”

JEREMIA 32:2

Topet ma hatiha i dompak ro tentara ni raja Babel mangaroro Jerusalem. Ditahan Raja Zedekia ma au di alaman ni bagas godang ni raja i

JEREMIA 31:38

Didok Tuhan, “Dapot do i hatihana, paulion mangulahi sude Jerusalem songon kotangKu, sian Palas-palas Hananeel na di Hasundutan lopus tu horbangan na di suhi-suhi.

NEHEMIA 12:40

Jadi lalu ma parende na dua rombongan i di lambung ni Bagas Ni Tuhan. Tamba ni angka pamimpin na di rombonganki,